ရခိုင္တြင္ေခၚယူစစ္ေဆးခံေနရသည့္ ေက်ာင္းဆရာႏွစ္ဦး ျပန္လည္ လြတ္ေျမာက္

0
160

 

ရန္ကုန္၊ဒီဇင္ဘာ ၂၀၊၂၀၁၇

ရခိုိင္ျပည္နယ္၊ ေမာင္ေတာၿမိဳ႕နယ္ အင္းဒင္ေက်းရြာမွ ေက်ာင္းဆရာ ေလးဦးႏွင့္ ရြာသားတစ္ဦးတို႔ကို သက္ဆိုင္ရာက ဖမ္းဆီးေခၚေဆာင္သြားၿပီး ဒီဇင္ဘာ၁၈ ရက္တြင္ ေက်ာင္းဆရာႏွစ္ဦးျပန္လည္ လြတ္ေျမာက္လာၿပီ ျဖစ္ေၾကာင္း ရခိုင္ျပည္နယ္လႊတ္ေတာ္၊ ေမာင္ေတာၿမိဳ႕နယ္ မဲဆႏၵနယ္ ၂ မွ ကိုယ္စားလွယ္ ဦးေမာင္အုန္း က ေျပာၾကားသည္။

ျပန္လည္လြတ္ေျမာက္လာသူႏွစ္ဦးမွာ ဒီဇင္ဘာ ၁၆ ရက္တြင္ သက္ဆိုင္ရာ ကေခၚေဆာင္သြားသည့္ အင္းဒင္ေက်းရြာမွ လက္ေထာက္ပညာေရးမွဴး ဦးျမင့္စိုး ႏွင့္ အင္းဒင္ခြဆံု မူလတန္းေက်ာင္းအုပ္ ဦးေအာင္သိန္းျဖဴ တို႔ျဖစ္သည္။

” ပညာေရးမွဴးကို ေမးၾကည့္တာေတာ့ ျပန္လြတ္လာၿပီေျပာတယ္။ ဒါေပမယ့္ သူတို႔ုဖုန္းေတြကို ဆက္တာေတာ့ ဆက္သြယ္လို႕မရေသးဘူး ” ဟု ဦးေမာင္အုန္းက ပဥၥမလႈိင္းမီဒီယာ၏ ဆက္သြယ္ေမးျမန္းမႈကို ျပန္လည္ေျဖၾကားသည္။

ဒီဇင္ဘာ ၁၅ ရက္တြင္ ေမးျမန္းစစ္ေဆးစရာမ်ားရွိသည္ဟု ဆိုကာ အင္းဒင္ေက်းရြာမွ ေက်ာင္းဆရာ ႏွစ္ဦးႏွင့္ရြာသား တစ္ဦးကို သက္ဆိုင္ရာက လာေရာက္ေခၚေဆာင္သြားခဲ့ၿပီး ေနာက္တစ္္ရက္ ဒီဇင္ဘာ ၁၆ ရက္တြင္လည္း ေက်းရြာလက္ေထာက္ပညာေရးမွဴးႏွင့္ မူလတန္း ေက်ာင္းအုပ္ကို ဆက္လက္ေခၚယူစစ္ေဆးခဲ့သည္။

ေခၚယူစစ္ေဆးမႈမ်ားအၿပီးတြင္လက္ေထာက္ပညာေရးမွဴးႏွင့္ ေက်ာင္းအုပ္တို႔ျပန္လည္လြတ္ေျမာက္လာေသာ္လည္း ဒီဇင္ဘာ ၁၅ ရက္တြင္ ေခၚေဆာင္သြားသည့္ ေက်ာင္းဆရာႏွစ္ဦးႏွင့္ ေက်းရြာသားတစ္ဦးတို႔ကိုမူ အဆက္အသြယ္မရေၾကာင္းလည္း ေမာင္ေတာကိုယ္စားလွယ္ ဦးေမာင္အုန္း ကေျပာျပသည္။

သွ်င္ရဲထြဋ္

ရန်ကုန်၊ဒီဇင်ဘာ ၂၀၊၂၀၁၇

ရခိိုင်ပြည်နယ်၊ မောင်တောမြို့နယ် အင်းဒင်ကျေးရွာမှ ကျောင်းဆရာ လေးဦးနှင့် ရွာသားတစ်ဦးတို့ကို သက်ဆိုင်ရာက ဖမ်းဆီးခေါ်ဆောင်သွားပြီး ဒီဇင်ဘာ၁၈ ရက်တွင် ကျောင်းဆရာနှစ်ဦးပြန်လည် လွတ်မြောက်လာပြီ ဖြစ်ကြောင်း ရခိုင်ပြည်နယ်လွှတ်တော်၊ မောင်တောမြို့နယ် မဲဆန္ဒနယ် ၂ မှ ကိုယ်စားလှယ် ဦးမောင်အုန်း က ပြောကြားသည်။

ပြန်လည်လွတ်မြောက်လာသူနှစ်ဦးမှာ ဒီဇင်ဘာ ၁၆ ရက်တွင် သက်ဆိုင်ရာ ကခေါ်ဆောင်သွားသည့် အင်းဒင်ကျေးရွာမှ လက်ထောက်ပညာရေးမှူး ဦးမြင့်စိုး နှင့် အင်းဒင်ခွဆုံ မူလတန်းကျောင်းအုပ် ဦးအောင်သိန်းဖြူ တို့ဖြစ်သည်။

” ပညာရေးမှူးကို မေးကြည့်တာတော့ ပြန်လွတ်လာပြီပြောတယ်။ ဒါပေမယ့် သူတို့ုဖုန်းတွေကို ဆက်တာတော့ ဆက်သွယ်လို့မရသေးဘူး ” ဟု ဦးမောင်အုန်းက ပဥ္စမလှိုင်းမီဒီယာ၏ ဆက်သွယ်မေးမြန်းမှုကို ပြန်လည်ဖြေကြားသည်။

ဒီဇင်ဘာ ၁၅ ရက်တွင် မေးမြန်းစစ်ဆေးစရာများရှိသည်ဟု ဆိုကာ အင်းဒင်ကျေးရွာမှ ကျောင်းဆရာ နှစ်ဦးနှင့်ရွာသား တစ်ဦးကို သက်ဆိုင်ရာက လာရောက်ခေါ်ဆောင်သွားခဲ့ပြီး နောက်တစ််ရက် ဒီဇင်ဘာ ၁၆ ရက်တွင်လည်း ကျေးရွာလက်ထောက်ပညာရေးမှူးနှင့် မူလတန်း ကျောင်းအုပ်ကို ဆက်လက်ခေါ်ယူစစ်ဆေးခဲ့သည်။

ခေါ်ယူစစ်ဆေးမှုများအပြီးတွင်လက်ထောက်ပညာရေးမှူးနှင့် ကျောင်းအုပ်တို့ပြန်လည်လွတ်မြောက်လာသော်လည်း ဒီဇင်ဘာ ၁၅ ရက်တွင် ခေါ်ဆောင်သွားသည့် ကျောင်းဆရာနှစ်ဦးနှင့် ကျေးရွာသားတစ်ဦးတို့ကိုမူ အဆက်အသွယ်မရကြောင်းလည်း မောင်တောကိုယ်စားလှယ် ဦးမောင်အုန်း ကပြောပြသည်။

သျှင်ရဲထွဋ်

Leave a Reply