စားသောက်ကုန် အရည်အသွေး စစ်ဆေးနိုင်မည့် ဓာတ်ခွဲခန်း ISO လက်မှတ်ရရှိတော့မည်

0
19

စားသောက်ကုန် အရည်အသွေး စစ်ဆေးနိုင်မည့် ဓာတ်ခွဲခန်း အောက်တိုဘာလတွင် နိုင်ငံတကာ အသိအမှတ်ပြု ISO လက်မှတ် ရရှိတော့မည် ဖြစ်ကြောင်း ဖေဖော်ဝါရီ ၁၁တွင်မြန်မာနိုင်ငံစားသောက်ကုန် ထုတ်လုပ်တင်ပို့ ရောင်းချသူ များအသင်း (MFPEA)မှ သိရသည်။

မြန်မာနိုင်ငံစားသောက်ကုန် ထုတ်လုပ်တင်ပို့ ရောင်းချသူများအသင်း (MFPEA)မှ ဆောင်ရွက်နေသည့် စားသောက်ကုန် အရည်အသွေး စစ်ဆေးနိုင်မည့် ဓာတ်ခွဲခန်း ငါးခု ခန့်မှာ ISO လက်မှတ်ရရှိတော့မည်ဖြစ် ကြောင်းသိရသည်။

“ဓာတ်ခွဲခန်းတွေက အာမခံနဲ့ စားသောက်ကုန်တွေ ကို ထုတ်လုပ်ဖို့အတွက်ဆိုရင် ISO Certification လိုတယ် ၊စားသောက်ကုန်လုပ်ငန်းမှာ အရေးကြီးတဲ့ ကဏ္ဍဖြစ်တဲ့ ပိုးမွှားတွေပါခြင်းကြောင့် လူတွေ ဒုက္ခရောက်ရတယ် ၊အဲ့ဒါတွေနဲ့ ပတ်သက်ပြီး စစ်ဆေးနိုင်တဲ့ ဓာတ်ခွဲခန်း ငါးခု လောက်ကိုတော့ ပညာရေးဝန်ကြီးဌာန၊ သိပ္ပံနှင့်နည်းပညာ ၀န်ကြီးဌာနနဲ့ စင်ကာပူတို့ပူးပေါင်းပြီး ISO ရအောင်လုပ်နေတာ မကြာခင်မှာ ရတော့မှာပါ”ဟု ဒုတိယ ဥက္ကဋ္ဌ ဦးစိန်သောင်းဦးက ပြောကြားခဲ့သည်။

မြန်မာနိုင်ငံစားသောက်ကုန်ထုတ် လုပ်တင်ပို့ရောင်းချ သူများအသင်း (MFPEA) မှ ဆောင်ရွက်နေသည့် ဓာတ်ခွဲခန်းကို ကုန်သည်စက်မှုအသင်းချုပ်တွင် လုပ်ဆောင်နေပြီး ပြည်တွင်းသို့ ၀င်ရောက်နေသည့် နိုင်ငံတကာမှ စားသောက်ကုန်များကိုလည်း အရည်အသွေးနှင့် ပတ်သက်၍ သေချာစွာ စစ်ဆေးသင့်ကြောင်း ၎င်းကအကြုံပြုပြောဆိုသည်။

“ပြည်တွင်းလုပ်ငန်းတွေအနေနဲ့ တရားမျှတစွာ ယှဉ်ပြိုင်နိုင်ဖို့အတွက်ဆိုရင် အာမခံနဲ့ထုတ်လုပ်တဲ့ ထုတ်ကုန်တွေကို အသိအမှတ်ပြုရေးဖြစ်ပါတယ်။ နိုင်ငံတကာက ၀င်လာတာတွေကို စနစ်တကျစစ်ဆေးနိုင်တဲ့ အခြေခံအဆောက်အအုံတွေ၊ ၀န်ဆောင်မှုတွေ မရှိဘူးဆိုရင် နိုင်ငံခြားက သူတို့ရတဲ့ ISO ပလိပ်ပြားတွေကို ထောင်ပြတာတွေပဲရှိမယ်။ စိတ်ပူတာက ဒီလိုမျိုးတွေကို အသိအမှတ်ပြု ပေးဖို့အတွက် နိုင်ငံတော်က လုပ်ပေးသင့်တယ်”ဟု ဦးစိန်သောင်းဦးကပြောသည်။

စားသောက်ကုန် လုပ်ငန်းတစ်ခုသည် မမှန်ကန်သည့် အေဂျင်စီနှင့် တွေ့ပါက ၎င်းရရှိထားသည့် certificated ပျက်ပြယ်သွားနိုင်သည့်အတွက် အဆိုပါ လုပ်ငန်းနှင့် ပတ်သက်၍ လူထုအသိပညာပေးမှုများရှိရန် လိုအပ်သည့်အပြင် ယင်း လုပ်ငန်းများအပေါ် နိုင်ငံတော်၏ အသိအမှတ်ပြု ပေးရန်လည်း လိုအပ်သည်ဟုဆိုသည်။

စားသောက်ကုန်လုပ်ငန်းရှင်များအနေဖြင့် စားသုံးသူများထံမှ ဘေးအန္တရာယ် ကင်းရှင်းမှုနှင့် ပတ်သက်၍ ယုံကြည် စိတ်ချမှု ရရှိနိုင်ရန် အရည်အသွေးပြည့်မီပြီး ဘေးအန္တရာယ် ကင်းရှင်းရေး လုပ်ငန်းစဉ်များ ပြုလုပ်ရာ၌ ငွေကုန်ကြေး ကျရှိနိုင်ကြောင်းသိရသည်။

ထို့အပြင် စားသုံးသူများအတွက် ယင်းကဲ့သို့ ငွေကုန်ကြေးကျများမှု၏ နောက်ဆက်တွဲ အဖြစ် အဆိုပါ စားသောက် ကုန် ဈေးနှုန်းများ မြင့်တက်လာနိုင်သော်လည်း တစ်ဖက်တွင် ဘေးအန္တရာယ် ကင်းရှင်းမှုနှင့် ပတ်သက်၍ ယုံကြည်မှု များ ရရှိနိုင်မည်ဟုသိရှိရသည်။

ဝေဝေဖြိုး

Leave a Reply