မြန်မာ့မျိုးရင်းများ မပျောက်ပျက်စေရေးအတွက် မြန်မာ့ နွားသိုးအလှ၊ နို့စားနွားနှင့် ဆိတ် ပြပွဲ ပြိုင်ပွဲကျင်းပ

0
7

 

မြန်မာ့မျိုးရင်းများ မပျောက်ပျက်စေရေးအတွက်ရည်ရွယ်၍ မန္တလေးတိုင်းဒေသကြီးအစိုးရအဖွဲ့ စိုက်ပျိုးရေး မွေးမြူရေးနှင့် ဆည်မြောင်းဝန်ကြီးဌာန က ဦးဆောင်ပြီး တိုင်းဒေသကြီးအဆင့် မြန်မာ့ နွားသိုးအလှ၊ နို့စားနွားနှင့် ဆိတ် ပြပွဲ ပြိုင်ပွဲကို ဖေဖော်ဝါရီလ ၁၁ ရက်က ကျင်းပခဲ့သည် ။

အဆိုပါ ပြပွဲ ပြိုင်ပွဲကို မန္တလေးတိုင်းဒေသကြီး မွေးမြူရေးနှင့် ကုသရေးဦးစီးဌာနရုံးဝန်းအတွင်း ပြုလုပ်ခဲ့ပြီး နွား စုစုပေါင်း နွားသိုး ၅၁ ကောင် ၊ ဆိတ် အမ ၃၃ ကောင်း ၊ အထီး ၃၅ ကောင် ဝင်ရောက်ယှဉ်ပြိုင်ပြသခဲ့ကြသည် ။

“မြန်မာမျိုးရင်းများ မပျောက်ပျက်စေရေးရယ် မွေးမြူမှုအဆင့်အတန်း မြင့်မားလာရေး ထွက်ကုန်မြင့်မား လာစေရေး နဲ့ ဒေသအလိုက် မွေးမြူမှုများတစ်ဦးနဲ့ တစ်ဦးဖလှယ်နိုင်ရေးဆိုတဲ့ ရည်ရွယ်ချက်တွေနဲ့ နှစ်စဉ်ကျင်းပ လာတာပါ။ ပြိုင်ပွဲမှာ မြန်မာ့ နွားသိုး အကြီးတန်းနဲ့ အငယ်တန်း နောက်ပြီး ဆိတ်ဆိုရင် အထီးနဲ့ အမ ခွဲပြီး ပြိုင်တယ်´´ ဟု ပြပွဲ ပြိုင်ပွဲကျင်းပရေးကော်မတီ အတွင်းရေးမှူး က ပြောသည် ။

အဆိုပါပြိုင်ပွဲတွင် မန္တလေးတိုင်းဒေသကြီးအတွင်းရှိ မြို့နယ်ပေါင်းစုံမှ နွားမွေးမြူသူများ ဆိတ်မွေးမြူသူများ လာ ရောက်ယှဉ်ပြိုင်ကြပြီး မွေးမြူသူအချင်းချင်း နွားမျိုးဖလှယ်ကြခြင်းများလည်း ပြုလုပ်ကြသည်။

“ကောင်းတဲ့နွားတွေ သားဖောက်လို့ ရတယ်။ မြန်မာနိုင်ငံမှာ နွားတိုးတက်တာပေါ့ ။ နွားအလှတွေပိုများပြီးတော့ ကြီးပွားတာပေါ့။ ကိုယ်ကလည်း ကိုယ့်နွားလှတယ်ထင်ပြီး လာပြိုင်တာ ဒီထဲကမှ အလှတွေများတော့ ကံပေါ့´´ ဟု အမရပူရမြို့နယ် မှ နွားမွေးမြူသူ ဦးမင်းရီ က ပြောသည် ။

နွားများကို အမှတ်ပေးရာတွင် ဒေသမျိုးရင်းဖြစ်ရမည့်အပြင် နွားများ၏ ကြံအင်များကို စစ်ဆေးအမှတ်ပေး သွားမည်ဖြစ်ကြောင်း သိရသည် ။

နိုင်လင်းဦး

 

Leave a Reply