ရန်ကုန်တိုင်းအစိုးရအား လွှတ်တော်ကိုယ်စားလှယ်အချို့တိုင်ကြားမှုအပေါ် အဂတိတိုက်ဖျက်ရေးကော်မရှင်၏ ကိုင်တွယ်ပုံ စောင့်ကြည့်မည်ဟုဒေါ်ညိုညိုသင်းပြော

0
53

၂၀၁၇/၁၈ဘဏ္ဍာရေးနှစ်အစီရင်ခံစာစစ်ဆေးတွေ့ရှိချက်များအရ ရန်ကုန်တိုင်းဒေသကြီးအစိုးရအပေါ် အဂတိလိုက်စားမှုတိုက်ဖျက်ရေးကော်မရှင်၏လုပ်ဆောင်ချက်များကို စောင့်ကြည့်ရမည်ဟု ဒေါ်ညိုညိုသင်းက ဖေဖော်ဝါရီ၁၄ရက်က ပြောကြားခဲ့သည်။

စာရင်းစစ်ချုပ်အစီရင်ခံစာတွေ့ရှိချက်များအရ ရန်ကုန်တိုင်းဒေသကြီးအစိုးရ၏ဆောင်ရွက်ချက်အချို့သည် အဂတိတိုက်စားမှုဥပဒေဖြင့် ငြိစွန်းမှုများရှိနေပြီး ယင်းအခြေအနေအပေါ် ရန်ကုန်တိုင်းဒေသကြီး လွှတ်တော်ကိုယ်စားလှယ်အချို့က နိုင်ငံတော်သမ္မတကြီးထံသို့ လိပ်မူတိုင်ကြားထားသည့် ဖြစ်စဉ်များလည်းရှိသည် ဟု သိရသည်။

“လွှတ်တော်ကိုယ်စားလှယ်တစ်ချို့ကနိုင်ငံတော်သမ္မတဆီကို တိုင်ကြားထားတာတွေ ရှိတယ်လေ။နောက်ပြီးလွှတ်တော်ထဲမှာလဲ အဲဒီလုပ်ငန်းစဉ်က မပြီးသေးဘူးထင်တယ်၊လွှတ်တော်ထဲမှာ အဲဒီလုပ်ငန်းစဉ်ပြီးသွားတော့မှပဲ ဘာလုပ်မယ်ဆိုတာကိုဆုံးဖြတ်မယ်။ဥပဒေအရပြောမယ်ဆိုရင် အစီရင်ခံစာပါကိစ္စအချို့က အဂတိလိုက်စားမှုဥပဒေအရ အဂတိမြောက်ပါတယ်။ဒါပေမယ့် နိုင်ငံရေးအရဘယ်လိုဖြစ်လာမလဲတော့မသိဘူး။ရွေးကောက်ပွဲကလည်းနီးလာပြီဆိုတဲ့အခါကျတော့အဂတိလိုက်စားမှုတိုက်ဖျက်ရေးကော်မရှင်အနေနဲ့က နိုင်ငံရေကိစ္စကိုပါ ထည့်ပြီးစဉ်းစားမလားမသိဘူး”ဟုဒေါ်ညိုညိုသင်းကပြောကြားခဲ့သည်။

ယင်းကဲ့သို့ အဂတိလိုက်စားမှုတိုက်ဖျက်ရေးဥပဒေနှင့်ငြိစွန်းမှုရှိသည်များကို တွေ့ရှိထားပြီး လွှတ်တော်ကိုယ်စားလှယ်အချို့ကလည်း နိုင်ငံတော်သမ္မတထံတိုင်ကြားမှုများရှိနေသဖြင့် အကြောင်းတစ်စုံတစ်ရာထူးခြားမှုမရှိလျင် သတင်းစာရှင်းလင်းပွဲတစ်ခုလည်းပြုလုပ်သွားမည်ဟုဆိုသည်။

“လွှတ်တော်ကိုယ်စားလှယ်တွေတိုင်ကြားထားတာ ဘာမှ အရာမရောက်ဘူးလား ၊ အရာမရောက်တဲ့ အခြေအနေတွေဖြစ်လာတော့မှဘာလုပ်သင့်တယ်ဆိုတာဆုံးဖြတ်မယ်။သတင်းစာရှင်းလင်းပွဲလုပ်မယ်”ဟုဒေါ်ညိုညိုသင်းကပြောကြားခဲ့သည်။

Leave a Reply