မြန်မာနိုင်ငံယှဉ်ပြိုင်မှုကော်မရှင်က ဖြေရှင်းပေးရမည့် အမှု ၁၀ မှုခန့် ကျန်ရှိဟုဆို

0
63

စီးပွားရေးလုပ်ကိုင်ခွင့်ရရှိမှုနှင့်ပတ်သတ်ပြီး တိုင်ကြားထားသည့် အမှုပေါင်း များစွာ ရှိသော်လည်း မြန်မာနိုင်ငံယှဉ်ပြိုင်မှုကော်မရှင်မှ ဖြေရှင်းပေးရမည့် အမှုပေါင်း ၁၆ မှုရှိသည့်အနက် အမှု ၁၀ မှုခန့်သာ ဖြေရှင်းပေးရန် ကျန်ရှိတော့ကြောင်း မြန်မာနိုင်ငံ ယှဉ်ပြိုင်မှုကော်မရှင်မှ သိရသည်။

မြန်မာနိုင်ငံယှဉ်ပြိုင်မှုကော်မရှင်ထံသို့ တိုင်ကြားစာ ၊အကြံပြုစာ များစွာရှိသော်လည်း ကော်မရှင်နှင့် သက်ဆိုင်သည့် အမှုသည် ၁၆ မှုသာ ရှိသောကြောင့် ကျန်ရှိသော အမှုများကို သက်ဆိုင်ရာသို့ လွှဲပြောင်းပေးခဲ့သည်ဟုဆိုသည်။

“တိုင်ကြားစာတွေကတော့ အများကြီးတက်တယ်၊အဆင့်အမျိုးမျိုးရှိပါတယ်၊ တချို့အမှုတွေဟာ ကျွန်တော်တို့နဲ့မဆိုင်တဲ့ တင်ပြမှုတွေရှိတယ် ၊တစ်ချို့က တိုင်တာထက် တင်ပြတဲ့သဘော အကြံဥာဏ်ပေးတဲ့စာတွေလဲ လာတယ်၊ တချို့ဟာတွေက ယှဉ်ပြိုင်မှုကော်မရှင်နဲ့မဆိုင်ဘဲ စားသုံးသူနဲ့ဆိုင်တာတွေ အဂတိလိုက်စားမှုနဲ့ ဆိုင်တာတွေရှိတယ်၊ ဥပဒေရေးရာပြဿနာတွေ ရှိတယ်၊အဲ့တော့ လွှဲပေးလိုက်ရတာတွေရှိတယ်၊ ကျွန်တော်တို့ Action ယူရတဲ့အမှုကတော့ အခုကို ၁၆ မှုပဲ ရှိတယ် ၊ အခုဖြေရှင်းပေးရမယ့် အမှုက ၁၀ မှုလောက် ကျန်နေသေးတယ်”ဟု မြန်မာနိုင်ငံ ယှဉ်ပြိုင်မှုကော်မရှင်ဒုတိယဥက္ကဋ္ဌ ဦးသန်းမောင်ကပြောကြားခဲ့သည်။

ယခုဖြေရှင်းပေးရမည့် အမှု ၁၀ မှုခန့်သည် စာပေအနုပညာများ ၊ ကုန်ပစ္စည်းတင်ပို့ခြင်း ၊တင်သွင်းခြင်းများနှင့် ရောင်းချခြင်းများ ပါဝင်ကာ ဖြေရှင်းပေးရမည့် အမှု ၁၆ မှု အနက် စုံစမ်းရေး ကော်မတီဖွဲ့သည့် အဆင့်ထိရှိသော အမှုက နှစ်မှု ရှိပြီး လက်ရှိတွင် အမှုငါးမှုမှာ ဖြေရှင်းပြီး ဖြစ်ကြောင်း သိရသည်။

“တချို့က တိုင်ပြီးမှ ပြန်ရုတ်သိမ်းတာတွေရှိတယ် ။တချို့ကိစ္စတွေကျတော့ နာမည်တပ်ပြီး ပြောလို့မကောင်းဘူး လျှို့ဝှက်ထားရတယ်။တိုင်ကြားစာတွေ တစ်ခုနှင့်တစ်ခု ထပ်ခြင်း သိပ်မရှိဘူး ။ အဓိကဘာလဲဆို စီးပွားရေးမှာ သူ့ကိုပဲပေးတယ် ကျွန်တော်တို့ကို မပေးဘူးဆိုတာမျိုးတွေ ၊သူကနောက်ခံကောင်းလို့ သူ့ကိုပဲပေးတယ်။ ကျွန်တော့်ကျတော့မပေးဘူး ဆိုတာမျိုးတွေပါတယ်”ဟု ဦးသန်းမောင်ကဆိုသည်။

မြန်မာနိုင်ငံယှဉ်ပြိုင်မှုကော်မရှင်သို့ တိုင်ကြားခံရသည့် စီးပွားရေးကဏ္ဍများ မတူညီ သော်လည်း စီးပွားရေးလုပ်ကိုင်ခွင့် ရရှိမှုနှင့် ပတ်သက်သည့် တိုင်ကြားမှုက အများဆုံး ဖြစ်ကြောင်း သိရသည်။

မြန်မာနိုင်ငံယှဉ်ပြိုင်မှုကော်မရှင်ကို ၂၀၁၅ ခုနှစ်က ပြဌာန်းခဲ့သော မြန်မာနိုင်ငံ ယှဉ်ပြိုင်မှု ဥပဒေတွင် ပါဝင်သည့် လုပ်ငန်းတာဝန်များအား အကောင်အထည်ဖော် ဆောင်ရွက်နိုင်ရန်အတွက် ပြည်ထောင်စု အစိုးရအဖွဲ့က အမိန့်ကြော်ငြာစာ အမှတ် ၁၀၆/ ၂၀၁၈ ဖြင့် ၂၀၁၈ ခုနှစ် အောက်တိုဘာလ ၃၁ ရက်က ဖွဲ့စည်းခဲ့ခြင်း ဖြစ်သည်။

အဆိုပါ ယှဉ်ပြိုင်မှု ဥပဒေတွင် ယှဉ်ပြိုင်မှုကို ဆန့်ကျင်သော သဘောတူညီချက်များဖြစ်သည့် ဈေးနှုန်း ညှိနှိုင်းသတ်မှတ်ခြင်း၊ လေလံ/တင်ဒါ ညှိနှိုင်းရယူခြင်း၊ ထုတ်လုပ်မှု ကန့်သတ်ခြင်း၊ ဈေးကွက်ခွဲဝေရယူခြင်း စသည်တို့ပါဝင်သည့် မတရား ညှိနှိုင်းဆောင်ရွက်မှုများ၊ ပြိုင်ဘက်လုပ်ငန်းများအကြား ဈေးနှုန်းကဲ့သို့ အရေးကြီး သတင်းအချက်အလက်များအား လျှို့ဝှက်ဖလှယ်ခြင်း၊ ဈေးကွက်လွှမ်းမိုးမှုကို အလွဲသုံးစား ပြုလုပ်ခြင်း၊ အခြားစီးပွားရေးလုပ်ငန်းများကို ခွဲခြားဆက်ဆံခြင်း၊ အခြားစီးပွားရေးလုပ်ငန်းများကို ကုန်စည်များ ရောင်းချရန်(သို့မဟုတ်) ထောက်ပံပေးရန် ငြင်းဆန်ခြင်း၊ မတရားသော ဈေးနှုန်းများ သတ်မှတ်ခြင်း၊ ယှဉ်ပြိုင်မှုကို ဆန့်ကျင်သည့် စီးပွားရေးလုပ်ငန်းများကို ပေါင်းစည်းခြင်း စသည်တို့ကို လုပ်ဆောင်ပါက အရေးယူနိုင်ကြောင်း သိရသည်။

ထို့ကြောင့် ဈေးကွက်အတွင်း တရားမျှတစွာ ယှဉ်ပြိုင်မှု မရှိဘဲ ယှဉ်ပြိုင်မှု ဥပဒေပါ တားမြစ်ချက်များကို ဖောက်ဖျက်ပါက ငွေဒဏ် အနိမ့်ဆုံးကျပ်တစ်သိန်းမှ အမြင့်ဆုံး သိန်း (၁၅၀) အထိဖြစ်စေ၊ ထောင်ဒဏ် အနည်းဆုံး သုံးလမှ အများဆုံး သုံးနှစ်အထိဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ခြင်းခံရမည် ဖြစ်ကြောင်းသိရသည်။

ဝေဝေဖြိုး
#TheFifthWaveNews

Leave a Reply