ယခုဘဏ္ဍာနှစ် လေးလအတွင်း နိုင်ငံခြားရင်းနှီးမြှုပ်နှံမှု ဝင်ရောက်မှုပမာဏ ပြည်တွင်းထက်ပို

0
80

၂၀၁၉-၂၀၂၀ ဘဏ္ဍာနှစ် ဇန်နဝါရီလအထိ ၄ လ အတွင်းမှာ နိုင်ငံခြားရင်းနှီးမြှုပ်နှံမှုဝင်ရောက်မှုသည် မြန်မာနိုင်ငံသား ရင်းနှီးမြှုပ်နှံမှုထက် ပျမ်းမျှအားဖြင့် အရည်အတွက်နှင့်ပမာဏ ပိုများကြောင်းရင်းနှီးမြှုပ်နှံမှုနှင့် ကုမ္ပဏီများညွှန် ကြားမှုဦးစီးဌာနမှ ဖေဖော်ဝါရီ ၁၈တွင်သိရသည်။

နိုင်ငံခြားရင်းနှီးမြှုပ်နှံမှု ပမဏသည် အမေရိကန် ဒေါ်လာ အသားတင် ၁ ဒသမ ၉ ဘီလီယံကျော် ရှိပြီဖြစ်သည့်အတွက် တစ်လလျှင် ပျမ်းမျှကန်ဒေါ်လာ ၀ ဒသမ ၅ ဘီလီယံနှုန်း၊ သန်း ၅၀၀ ခန့် ဝင်ရောက်နေကြောင်းသိရသည်။

“၂၀၁၉-၂၀၂၀ ဘဏ္ဍာနှစ် ဇန်နဝါရီလအထိ လေးလအတွင်းမှာ နိုင်ငံခြားရင်းနှီးမြှုပ်နှံမှု ဝင်ရောက်မှုက မြန်မာနိုင်ငံသား ရင်းနှီးမြှုပ်နှံမှုထက် ပျမ်းမျှအားဖြင့် အရည်အတွက်နဲ့ပမာဏ ပိုများတာကို တွေ့ ရှိရမှာဖြစ်ပါတယ်။ဒါတွေက မြန်မာနိုင်ငံ ရင်းနှီးမြှုပ်နှံမှုစီမံကိန်း ရဲ့
ဒီ ဘဏ္ဍာနှစ်အတွက် လျာထားတဲ့ အမေရိကန်ဒေါ်လာ ၅ ဒသမ ၈ ဘီလီယံ ရရှိဖို့အတွက် အခြေအနေကောင်းတယ်လို့ တင်ပြလိုပါတယ်”ဟု ရင်းနှီးမြှုပ်နှံမှုနှင့် ကုမ္ပဏီများညွှန် ကြားမှုဦးစီးဌာန ညွှန်ကြားရေးမှူးချုပ် ဦးသန့်စင်လွင်ကပြောကြားခဲ့သည်။

မြန်မာနိုင်ငံရင်းနှီးမြှုပ်နှံမှုကော်မရှင်၏ အစည်းအဝေး ခြောက်ကြိမ်အတွင်း အတည်ပြုလုပ်ငန်း ထက် အဆိုပြုလုပ်ငန်းအား ပိုမိုတင်ပြသည်ကို တွေ့ရှိရပြီး ယေဘုယျအားဖြင့် အဆိုပြု လုပ်ငန်းများမှ ၈၂ ရာခိုင်နှုန်းသာ ခွင့်ပြုပေးခဲ့ရာ အတည်ပြုလုပ်ငန်းများမှ ရာနှုန်းပြည့် ခွင့်ပြုပေးခဲ့သည် ဟုဆိုသည်။

သို့သော် ပတ်ဝန်းကျင်နှင့် ကျန်းမာရေးကို ထိခိုက်စေ မည့် ဓာတုဆေးဝါးလုပ်ငန်းများကို ခွင့်ပြု မိန့်တားမြစ်ပြီး ကျန်ရှိသည့် လုပ်ငန်းများကို လုပ်ငန်းအမျိုးအစားအလိုက် နိုင်ငံတော်သမ္မတ ရုံး၏ ခွင့်ပြုချက်ရယူရန် ၊ သက်ဆိုင်ရာ တိုင်းပြည်နယ်ဌာနများမှ တစ်ဆင့် ပြန်လည်တင်ပြကြရန် ၊ သက်ဆိုင်ရာဝန်ကြီးဌာန များမှလည်း သဘောထားမှတ်ချက်တောင်းခံပြီး အများအကျိုးထိခိုက်စေမည့် အကြောင်း အရာများရှိပါက ဆိုင်းငံ့ရန် ၊ သက်ဆိုင်ရာ ဥပဒေပြဋ္ဌာန်းချက်များကို လိုက်နာရန်နှင့် ကွင်းဆင်းစစ်ဆေး ချက်များပြုလုပ်ပြီးမှသာ ပြန်လည်တင်ပြရန် စသည်ဖြင့် မြန်မာနိုင်ငံ ရင်းနှီးမြှုပ်နှံမှုကော်မရှင်မှ ကျန်ရှိသည့် ၁၈ ရာခိုင်နှုန်းကို လမ်းညွှန်ချက်များ ချမှတ်ပေးခဲ့ကြောင်း ၎င်းကဆိုသည်။

မြန်မာနိုင်ငံသို့ နိုင်ငံခြားရင်းနှီးမြှုပ်နှံမှု ဝင်ရောက်မှု အား ကဏ္ဍအလိုက် ကြည့်မည်ဆိုပါက လျှပ်စစ်ဓာတ်အား ကဏ္ဍက အမေရိကန်ဒေါ်လာ ၁ ဒသမ ၀၂ ဘီလီယံဖြင့် အများဆုံးဖြစ်ကာ အိမ်ရာအဆောက်အအုံကဏ္ဍတွင် အမေရိကန် ဒေါ်လာ ၆၀၁ ဒသမ ၉ သန်း နှင့် ဒုတိယ အများဆုံးဖြစ်ပြီး ပို့ဆောင်ရေးနှင့်ဆက်သွယ်ရေး ကဏ္ဍတွင် အမေရိကန်ဒေါ်လာ ၁၄၅ ဒသမ ၄ သန်း နှင့် တတိယအများဆုံး ဝင်ရောက်ခဲ့ခြင်းဖြစ်ကြောင်း သိရသည်။

ဝေဝေဖြိုး
#TheFifthWaveNews

Leave a Reply