ဘေးအန္တရာယ်ဖြစ်ပွားမှုများကို အချိန်နှင့်တပြေးညီ ပေးပို့နိုင်သည့် မိုဘိုင်း အက်ပလီ ကေးရှင်းကို မိတ်ဆက်

0
69

ဒစ်ဂျစ်တယ်အစိုးရတစ်ရပ်ဖြစ်ပေါ်လာစေရေး ကြိုးပမ်းဆောင်ရွက်မှုတစ်ခုအဖြစ် (၄)ကြိမ်မြောက် ညီလာခံနှင့်နည်းပညာပြပွဲတွင် ဘေးအန္တရာယ်ဖြစ်ပွားမှုများကို အချိန်နှင့်တပြေးညီ ပေးပို့နိုင်သည့် မိုဘိုင်း အက်ပလီ ကေးရှင်းကို မိတ်ဆက်ခဲ့သည်။

ညီလာခံနှင့်နည်းပညာပြပွဲကို နေပြည်တော်ရှိ မြန်မာအပြည်ပြည်ဆိုင်ရာကွန်ဗန်းရှင်းစင်တာတွင် ဖေဖော်ဝါရီ ၁၈ ရက်က ကျင်းပခဲ့ကြောင်းကို လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေး ဝန်းကြီးဌာန မှ သိရသည်။

အဆိုပါ (၄)ကြိမ်မြောက်ညီလာခံနှင့်နည်းပညာပြပွဲတွင် နည်းပညာကိုအခြေခံသည့် ဘေးအန္တရာယ် စီမံခန့်ခွဲမှုစနစ်သို့ အဆင့်မြှင့်တင်ဆောင်ရွက်နိုင်ရေးအတွက် စီစဉ်ဆောင်ရွက်ထားသော ဝက်ဘ်ဆိုဒ်အခြေပြု သတင်းအချက်အလက်စင်္ကြန် (Web based platform) များနှင့် မိုဘိုင်းနည်းပညာသုံး အက်ပလီကေးရှင်း (Mobile Application) များကို ခင်းကျင်းပြသခဲ့ကြောင်းသိရသည်။

နည်းပညာကို အသုံးပြုပြီး ဘေးအန္တရာယ်များကြောင့် ထိခိုက်ဆုံးရှုံးနိုင်မှု အခြေအနေများ၊ ဘေးအန္တရာယ်ဆိုင်ရာ စီမံခန့်ခွဲမှု လုပ်ငန်းများတွင် အသုံးချနိုင်ရန်အတွက် ရေးဆွဲဆောင်ရွက်ထားသည့် မုဒြာသဘာဝဘေး အန္တရာယ်ကြောင့်ထိခိုက်ဆုံးရှုံးနိုင်ခြေဆိုင်ရာ သတင်းအချက်အလက်စနစ်( Myanmar Unified platform for Disaster Risk Application –MUDRA) ၊ ဘေးအန္တရာယ်ဖြစ်ပွား ပေါ်ပေါက် မှုများကို ပြည်သူများကို အချိန်နှင့်တပြေးညီ ပေးပို့နိုင်သည့် မိုဘိုင်း အက်ပလီ ကေးရှင်း (Disaster Alert Notification- DAN Mobile Application) နှင့် ဘေးအန္တရာယ်ဖြစ်ပွားမှုများကြောင့် ထိခိုက်ပျက်စီးမှုများနှင့် ထောက်ပံ့ပေးမှုစာရင်းဇယားများကို တနေရာထဲတွင် ရှာဖွေ စုစည်း ထိန်းသိမ်းထားသည့် စနစ် (Myanmar Disaster Loss and Damage Database-MDLD)တိုကို ထိုပြပွဲတွင် ပြသခဲ့သည်။

ဝေယံ
#TheFifthWaveNews

Leave a Reply