ကိုရိုနာဗိုင်းရပ်စ်ကြောင့် တရုတ် ရင်းနှီးမြှုပ်နှံ သူများ လာရောက် ဆွေးနွေးမှု လျော့ကျ

0
78

တရုတ်နိုင်ငံ ဝူဟန်မြို့တွင် ကိုရိုနာဗိုင်းရပ်စ် စတင်ဖြစ်ပွားပြီးသည့်နောက်ပိုင်း တရုတ် ရင်းနှီးမြှုပ်နှံမှုနှင့် ပတ်သက်၍ လာရောက် ဆွေးနွေးသူ လျော့ကျသွားကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန (DICA) မှ ဖေဖော်ဝါရီ ၁၉ရက်တွင် သိရသည်။

တရုတ်နှစ်သစ်ကူး နောက်ပိုင်းတွင် တရုတ် ရင်းနှီးမြှုပ်နှံသူများ ပိုမိုဝင်ရောက်လာမည်ဟုမျှော်မှန်းထားသော်လည်း ကိုရိုနာဗိုင်းရပ်စ် ကြောင့် ရင်းနှီးမြှုပ်နှံမှုနှင့်ပတ်သက်၍ လာရောက်ဆွေးနွေးသူ လျော့ကျသွားကြောင်း သိရသည်။

“ကိုရိုနာဗိုင်းရပ်စ်ဖြစ်တဲ့ နောက်ပိုင်းမှာတရုတ်နိုင်ငံသား‌တွေရဲ့ လာရောက်ဆွေးနွေးမှုက လျော့ကျသွားတယ် ၊ဆွေးနွေးပြီးမှ ဖျက်လိုက်တယ် ဆိုတာတော့ မရှိပါဘူး ၊ ဒါပေမယ့် ပုံမှန် နိုင်ငံခြားသား ဝင်ရောက်မှု အပိုင်းမှာလည်း နည်းနည်းလေး လျော့ကျသွားမှုရှိသလို ရင်းနှီးမြှုပ်နှံမှုနဲ့ ပတ်သက်တဲ့ လာရောက် ဆွေးနွေးမှုက နည်းနည်းလျော့ကျသွားတာ ‌တွေ့ရပါတယ် ၊ လာဆွေးနွေးတဲ့သူကလည်း တရုတ်ပြည်ကနေ ဘယ်နေ့က လာပါတယ်ဆိုတဲ့သူ မရှိဘူး ၊ မြန်မာနိုင်ငံမှာရှိတဲ့ တရုတ်အေဂျင့်လိုဟာပဲ လာဆွေးနွေးတာ ရှိပါတယ်” ဟု DICA ၏ ညွှန်ကြားရေးမှူးချုပ် ဦးသန့်စင်လွင်က ပြောသည်။

ကိုရိုနာဗိုင်းရပ်စ် ပြန့်ပွားမှုကြောင့် တရုတ်နိုင်ငံအတွင်း စီးပွားရေးလုပ်ငန်းများ လုပ်ငန်း လုပ်ကိုင်မှုအတွက် အနှောင့်အယှက် ဖြစ်လာပြီ‌ ဆိုပါက မြန်မာနိုင်ငံအတွင်းရှိ တရုတ်ရင်းနှီးမြှုပ်နှံ မှုနှင့် ပတ်သက်၍လည်း အ‌နှောက်အယှက် ဖြစ်နိုင်ကြောင်း သိရသည်။

ထို့ပြင် နိုင်ငံခြား ရင်းနှီးမြှုပ်နှံမှုလုပ်ငန်းများ ဖိတ်ခေါ်သွားမည့် Yangon Investment Forum ၂၀၂၀ ကိုလည်း ရန်ကုန်တိုင်းဒေသကြီးအစိုးရမှ ကြီးမှူး၍ ‌ဖေဖော်ဝါရီလကုန်ပိုင်းတွင် ကျင်းပ ပြုလုပ်ရန် မျှော်မှန်းထားသော်လည်း ကိုရိုနာ ဗိုင်းရပ်စ် ဖြစ်ပွားမှုကြောင့် ရက်အကန့်အသတ် မရှိ ရွှေ့ဆိုင်းလိုက်ကြောင်းသိရသည်။

မြန်မာနိုင်ငံအတွင်း နိုင်ငံခြား ရင်းနှီးမြှုပ်နှံမှု များအနက် တရုတ်နိုင်ငံ၏ ရင်းနှီးမြှုပ်နှံမှုမှာ အဆင့် နှစ် နေရာတွင်ရှိပြီး ၁၉၈၈ ခုနှစ်မှ ၂၀၂၀ ခုနှစ်အထိ တရုတ်နိုင်ငံ၏ ရင်းနှီးမြှုပ်နှံမှု ပမာဏမှာ အမေရိကန် ဒေါ်လာ (၂၀) ဘီလီယံ ရင်းနှီးမြှုပ်နှံထား‌ကြောင်း သိရသည်။

ဝေဝေဖြိုး
#TheFifthWaveNews

Leave a Reply