ကျပ်၂၅သိန်းတန် တီဗွီတစ်လုံး ၀ယ်ရန် ရန်ကုန်တိုင်းလွှတ်တော်တွင် တောင်းဆိုထားဟု သိရ

0
124

(photo-လက်ရှိတီဗီ)

ရန်ကုန်တိုင်းဒေသကြီးလွှတ်တော်တွင် သတင်းမီဒီယာများ သတင်းရယူရန်အတွက် တီဗွီအသစ် ကြီး တစ်လုံးရှိသော်လည်း နောက်ထပ်တစ်လုံးထပ်မံဝယ်ယူရန်လွှတ်တော်တွင်တောင်းဆိုထားကြောင်းဒဂုံမြို့နယ် တိုင်းဒေသကြီးလွှတ်တော်ကိုယ်စားလှယ် ဦးကျော်ဇေယျက ဖေဖော်ဝါရီ ၂၀ရက်တွင် ပြောကြားခဲ့သည်။

ရန်ကုန်တိုင်းဒေသကြီး ၏ ၂၀၁၉-၂၀ဘဏ္ဍာရေးနှစ် ဖြည့်စွက်ခွင့်ပြုငွေနှင့် ပြုပြင်ပြီး ခန့်မှန်းခြေ ငွေစာရင်း(လျာထားချက်)လွှတ်တော်သို့တင်သွင်းရာတွင် ရန်ကုန်တိုင်းဒေသကြီး လွှတ်တော်ကျင်းပနေသည့် ပုံရိပ်များကို တိုက်ရိုက်ထုတ်လွှင့်သည့် တီဗီအသစ်တစ်လုံးဝယ်ယူရန် လျာထားချက်တစ်ခုပါဝင်ခဲ့သည်။

(Photo-ယခင်အစိုးရလက်ထက်ကသတင်းရယူသည့်တီဗီ)

“သတင်းရယူဖို့ တီဗွီဝယ်ဖို့ နှစ်ဆယ့်ငါးသိန်းတောင်းထားတာပါတယ်၊ဒါကြောင့် ဒီတီဗီကြီးကောင်းမကောင်းလာကြည့်တာ”ဟု ဦးကျော်ဇေယျက ပြောကြားခဲ့သည်။

လက်ရှိရန်ကုန်တိုင်းဒေသကြီးလွှတ်တော်တွင်လွှတ်တော်ကျင်းပနေသည့် ပုံရိပ်များကို ပြသနေသည့် တီဗွီကြီးမှာလည်း ယမန်နှစ်ခန့်ကဝယ်ယူခဲ့ပြီး လက်မ၅၀ခန့်ရှိနေကာ အသစ်အတိုင်းပင်ရှိနေသေးကြောင်း ၊ ထိုတီဗီကြီး ရှိနေသော်လည်း တီဗီိအသစ်ထံမံဝယ်ယူရန်ဘဏ္ဍာငွေ တောင်းခံထားခြင်းသည် ပြည်သူ့ငွေများလေလွင့်ဆုံးရှုံးနိုင်ခြင်းရှိသဖြင့် အမှန်တကယ်ဝယ်ယူသင့် မသင့်ကို လာရောက်ကြည့်ရှုရခြင်းဖြစ်သည်ဟု ဦးကျော်ဇေယျကပြောသည်။

(Photo-ယခင်အစိုးရလက်ထက်ကသတင်းရယူသည့်တီဗီ)

ဦးကျော်ဇေယျက ထိုတီဗွီဖြင့် သတင်းရယူနေသော သတင်းသမားများကို တီဗွီ အသစ်တစ်လုံး ထပ်မံ လိုအပ်မလိုအပ် မေးမြန်းခဲ့ရာ ရန်ကုန်တိုင်းဒေသကြီးလွှတ်တော်တွင် တက်ရောက်သတင်းယူနေသော သတင်းသမားများက လက်ရှိတီဗွီဖြင့်လည်း အလုပ်ဖြစ်ကြောင်း အသစ်တစ်လုံး ထပ်မံ မလိုအပ်ကြောင်း တညီတစ်ညွတ်တည်း ပြောကြားခဲ့ကြသည်။

အဆိုပါတီဗီဝယ်ယူရန်အတွက် မဏ္ဍိုင်ကြီးလေးရပ်တွေ့ဆုံပွဲတွင် သတင်းမီဒီယာဘက်ကတောင်းဆိုခဲ့ကြောင်း၊ ထိုတောင်းဆိုသူသည် လွှတ်တော်တွင် သတင်းမယူဘူးသူဖြစ်သောကြောင့် မြေပြင်အခြေအနေကိုမသိသောကြောင့် တောင်းဆိုခြင်းဖြစ်ကြောင်း လွှတ်တော်တွင် သတင်းယူသည့် သတင်းထောက် ကိုလင်းက သုံးသပ်ပြောကြားခဲ့သည်။

ဇော်ဇော်ထွန်း
#TheFifthWaveNews

Leave a Reply