သန်းခေါင်စာရင်းနည်းပညာရပ်ဆိုင်ရာ နိုင်ငံတကာ အကြံပေးဘုတ်အဖွဲ့ (ITAB)၏ နိုင်ငံတွင်းဆွေး နွေးပွဲ ကျင်းပပြုလုပ်

0
210

ဒီဇင်ဘာ ၁၊ ၂၀၁၇ ။

သန်းခေါင်စာရင်းနည်းပညာရပ်ဆိုင်ရာ နိုင်ငံတကာ အကြံပေး ဘုတ်အဖွဲ့ (ITAB) ၏ နိုင်ငံတွင်း ဆွေးနွေးပွဲကို နေပြည်တော်ရှိ သင်္ဂဟဟိုတယ်တွင် ဒီဇင်ဘာ ၁ရက်နေ့က ကျင်းပပြုလုပ်ခဲ့သည်။

ITAB အဖွဲ့သည် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန အောက်ရှိ ပြည်သူ့ အင်အားဦးစီးဌာနနှင့် အတူ ယနေ့အချိန်အထိ ထုတ်ပြန်ပြီးသည့် သန်းခေါင်စာရင်းဆိုင်ရာ ကိန်းဂဏန်း အချက်အလက်များထုတ်ပြန်ခြင်းများကို ဆန်းစစ်သုံးသပ်ခြင်း ၊ ကဏ္ဍအလိုက်သုတေသနစာတမ်းများပြုစုခြင်း ၊ ကိန်းဂဏန်းအချက်အလက်များပိုမိုလွယ်ကူရရှိရေး အတွက်နည်းလမ်းများဖော်ဆောင်ခြင်း နှင့် တိုင်းရင်းသားများဆိုင်ရာအချက်အလက်များထုတ်ပြန်ရေးအတွက်ဆွေးနွေးညှိနှိုင်းမှုလုပ်ငန်းစဉ်များ အားသုံးသပ်ဆွေးနွေးခဲ့ကြောင်း သိရှိရသည်။

ဒေသအတွင်း နေထိုင်ကြသည့် တိုင်းရင်းသားများဆိုင်ရာ အချက်အလက်၊ လူမျိုးစုအရေအတွက် သတ်မှတ်နိုင်ရေးအတွက် လုပ်ငန်းစဉ်များ ချမှတ်ဆောင်ရွက်နေသော်လည်း ၃ နှစ်ကျော်ကြာလအထိ တိကျသည့် အဖြေမရရှိသေးကြောင်း သိရှိရသည်။

“ကျွန်တော်တို့ဆွေးနွေးညှိုနှိုင်းမှုပေါ်မူတည်ပါတယ်။တိုင်းရင်းသားလူမျိုး ၁၃၅ မျိုးမှာ ပါတဲ့အုပ်စုတွေကို တချို့တွေက ပြောတာက ပေါင်းလိုက်တာတွေရှိတယ်လို့လည်း ကျွန်တော်တို့ကြားတယ်။ တိုးလာရင်လည်း တိုးလာမယ်၊ လျော့သွားရင်လည်းလျော့သွားနိုင်တယ်။ လွှတ်တော်တင်ဖို့ကျတော့ ကျွန်တော်တို့ပေါ်မှာ မူမတည်ပဲ ဆွေးနွေးချက်တွေပေါ်မှာ ပဲမူတည်နေပါတယ် ။ဒါကို အတည်ပြုလို့ရမှာပါ ။ကျွန်တော်တို့ဝန်ကြီးဌာနတခုတည်းနဲ့ ဒါကို ဆုံးဖြတ်လို့မရပါဘူး”ဟု ပြည်သူ့အင်အားဦးစီးဌာနမှ ဒုတိယညွှန်ကြားရေးမှူးချုပ် ဒေါက်တာညီညီက ပြောသည်။

အဆိုပါ ITAB အဖွဲ့ကို ၂၀၁၃ ခုနှစ် က စတင်ဖွဲ့စည်းထားခဲ့ခြင်းဖြစ်ပြီး သန်းခေါင်စာရင်းကောက်ယူရေး အတွက် နည်းလမ်းများနှင့် အစီအစဉ်များအား အစိုးရထံသို့ အကြံပြုတင်ပြမှုများ ရှိခဲ့ကြောင်း သိရှိရသည်။

Leave a Reply