၂၀၀၈ဖွဲ့စည်းပုံပြင်ဆင်ရေးဥပဒေမူကြမ်းကို တပ်ကိုယ်စားလှယ် ၅၀ ဦးသာ ပါဝင်ဆွေးနွေးမည်

0
84

၂၀၀၈ ခုနှစ် ဖွဲ့စည်းပုံ အခြေခံဥပဒေ အား ပြင်ဆင်သည့် ဥပဒေ မူကြမ်းနှင့် စပ်လျဉ်း၍ တပ်မတော်သားလွှတ်တော်ကိုယ်စားလှယ် ၅၀ ဦး သာ ၀င်ရောက်ဆွေးနွေးမည်ဖြစ်ကြောင်း ဖေဖော်ဝါရီ ၂၁ရက်တွင် သိရသည်။

ဖွဲ့စည်းပုံပြင်ဆင်ရေးဥပဒေမူကြမ်းကို ဖေဖော်ဝါရီ ၂၅ရက်တွင် စတင်ဆွေးနွေးရန်လျာထားပြီး တပ်မတော်သား လွှတ်တော်ကိုယ်စားလှယ် ၅၀ ဦး ၊ NLD ပါတီ မှ ၅၀ ဦးနှင့် အခြားပါတီများမှ ကိုယ်စားလှယ် ၄၉ ဦး ပါဝင်ဆွေးနွေးမည် ဖြစ်ကြောင်းသိရသည်။

“အခုတော့ပြန်လည် ရုပ်သိမ်းသွားတဲ့အတွက်ကြောင့် ၁၄၉ ယောက်ပဲကျန်ခြင်းဖြစ်ပါတယ်။ ရုပ်သိမ်းတာလား ၊ လျှော့တာလားကတော့မသိပါဘုး။ ဒါကတော့ နာယကရဲ့လုပ်ပိုင်ခွင့်အရ ဆောင်ရွက်တာဖြစ်တဲ့အတွက် မသိပါဘူး ဒီနေ့ အားလုံးအတည်ပြုလိုက်တာ ၁၄၉ ဦးပါ။ ၁၄၉ဦးမှာ တပ်မတော်က၅၀၊ NLD က ၅၀ ၊ ကျန်တဲ့တိုင်းရင်းသားပါတီတွေက ၄၉ ဦးအားလုံး ၁၄၉ ဦး စာရင်းရရှိပါတယ်” ဟု အောင်မြေသာဇံမဲဆန္ဒနယ်မှ ကိုယ်စားလှယ် ဒေါက်တာလှမိုးကပြောသည်။

ဖွဲ့စည်းပုံပြင်ဆင်ရေးမူကြမ်းများအားဆွေးနွေးရန် လွှတ်တော်ကိုယ်စားလှယ် ၂၈၂ဦးအမည်စာရင်းပေးသွင်းထားခြင်းဖြစ်ပြီး ယခုအခါ ၁၄၉ဦးသာဆွေးနွေးရမည်ဖြစ်ပြီး ကိုယ်စားလှယ်တစ်ဦးလျှင် ၈မိနစ်ခန့်ဆွေးနွေးခွင့်ပြုသွားမည်ဖြစ်သိရသည်။
ထို့ပြင် လွှတ်တော်ကိုယ်စားလှယ်များအနေဖြင့် ဥပဒေကြမ်းများအား ဆွေးနွေးရာတွင်နိုင်ငံရေးပါတီ၊ အဖွဲ့အစည်း တစ်ခုခု ၊ ပုဂ္ဂိုလ်တစ်ဦးတစ်ယောက် ထိခိုက်စေမည့် အသုံးအနှုန်းပြောဆိုချက်များမပါရှိအောင် သတိပြုဆင်ခြင်ကြရန်လည်း နာယက ဦးတီခွန်မြတ်က အသိပေးပြောကြားခဲ့သည်။

ဖွဲ့စည်းပုံပြင်ဆင်ရေးဥပဒေမူကြမ်းသည် လက်ရှိတွင် ၄၅ ဦးကော်မတီမှ တင်သွင်းထားသည့် ပြင်ဆင်ရေးဥပဒေ မူကြမ်း နှစ်ခု၊ တပ်မတော်သားလွှတ်တော်ကိုယ်စားလှယ်များမှ တင်သွင်းထားသည့် ဥပဒေ မူကြမ်း နှစ်ခုနှင့် ပြည်ခိုင်ဖြိုးပါတီမှ တင်သွင်းထားသည့် ဥပဒေ မူကြမ်း နှစ်ခုရှိကြောင်း သိရသည်။

ယဉ်ကေနွယ်
#TheFifthWaveNews

Leave a Reply