ရန်ကုန်တိုင်းအစိုးရက ခေါင်းစဉ်မဲ့အဆောက်အဦးပြင်ရန်ကျပ်သန်းပေါင်း ရှစ်ရာကျော်တောင်းခံ

0
135

၂၀၁၉-၂၀၂၀ဘဏ္ဍာရေးနှစ်ဖြည့်စွက်ခွင့်ပြုငွေနှင့် ပြုပြင်ပြီးခန့်မှန်းခြေငွေစာရင်းလျာထားချက် တွင် ရန်ကုန်တိုင်းဒေသကြီးအစိုးရအဖွဲ့က ခေါင်းစဉ်တိတိကျကျဖော်ပြမထားဘဲ ငွေကျပ်သန်း ရှစ်ရာကျော်ကို တောင်းခံထားကြောင်း ဖေဖော်ဝါရီ ၂၄ရက်တွင် တိုင်းဒေသကြီးလွှတ်တော်ကိုယ်စားလှယ် ဦးကျော်ဇေယျက လွှတ်တော်၌ ဝေဖန်ထောက်ပြခဲ့သည်။

ထို့ပြင် မည်သည့်နေရာကအမှိုက်များကိုစွန့်ပစ်မည်ဟုတိကျစွာမပြောဘဲ ငွေကျပ်သန်း၂၃၀ တောင်းခံထားသည့်အပြင် ကျောင်းများတွင် အသိပညာပေးဗီနိုင်းများရိုက်ရန်နှင့် ရေပိုက်ဆက်များဝယ်ယူရန်ဟုဆိုကာ ငွေကျပ်သန်း၁၄၅၉ဒဿမ၆၂၀တောင်းခံခြင်းများအတွက် ပြန်လည် စိစစ်ပေးရန် လွှတ်တော်တွင်ဆွေးနွေးခဲ့သည်။

“အဆောက်အဦးပြုပြင်ဖို့ ကျပ်သန်းပေါင်း ၈၀၆ ဒသမ ၈၀၇ ဆိုတာနည်းတဲ့ငွေမဟုတ်ဘူး ဘယ်အဆောက်အဦးကို သွားပြင်မှာလဲ တိတိကျကျလေး ဖော်ပြသင့်ပါတယ်”ဟု ခေါင်းစဉ်တိကျမှုမရှိဘဲ တောင်းခံခြင်းနှင့် ပတ်သက်ပြီး ဦးကျော်ဇေယျကလွှတ်တော်တွင်ဝေဖန်ထောက်ပြခဲ့သည်။

၂၀၁၉-၂၀၂၀ဘဏ္ဍာရေးနှစ် ဖြည့်စွက်ခွင့် ပြုငွေ ဆိုသည်မှာမူလခွင့်ပြုငွေတွင် သုံးစွဲရန် လုံလောက်မှုမရှိလျှင် ပြန်လည် ဖြည့်တင်းသုံးစွဲနိုင်ရေးအတွက် ဖြည့်စွက် တင်ပြတောင်းခံရသည့်ဘဏ္ဍာငွေဖြစ်သည်။

ဇော်ထွန်း
#TheFifthWave

Leave a Reply