ရန်ကုန်တိုင်းအစိုးရ ရောင်းချမည့် မြေကွက်များထဲမှ သုံးကွက် ပယ်ဖျက်

0
35

ရန်ကုန်တိုင်းဒေသကြီးအစိုးရအဖွဲ့က စီမံခန့်ခွဲပိုင်ခွင့်ရှိသော တိုင်းဒေသကြီးအတွင်းရှိ မြေများကို စီးပွားရေးလုပ်ငန်းလုပ်ကိုင်ရန်အတွက် သော်လည်းကောင်း၊ လူနေထိုင်ရန်အတွက် သော်လည်းကောင်း ရောင်းချပေးလျက်ရှိရာ ယင်းမြေကွက်များထဲမှ ဒဂုံဆိပ်ကမ်း မြို့နယ်ရှိ မြေကွက် သုံးကွက်အား ရောင်းချမှုစာရင်းမှ ပယ်ဖျက်လိုက်ကြောင်း ဖေဖော်ဝါရီလ ၂၄ ရက်က အသိပေးကြေညာချက်အရ သိရသည်။

အဆိုပါ မြေကွက်စာရင်းများအနက် ဒဂုံမြို့သစ်(ဆိပ်ကမ်း)မြို့နယ်အတွင်း လျှောက်ထားနိုင်သည့် မြေကွက်များနှင့် စပ်လျဉ်း၍ မြေကွက် သုံးကွက်အား စုပေါင်းတန်ဖိုးနည်းအိမ်ရာ ဖော်ဆောင်ရန် လျာထားပြီးဖြစ်သောကြောင့် ရောင်းချမှုစာရင်းမှ ပယ်ဖျက်ခဲ့ခြင်းဖြစ်ကြောင်း သိရသည်။

ဒဂုံဆိပ်ကမ်း မြို့နယ်အအတွင်းရှိ ရောင်းချမှု စာရင်းမှ ပယ်ဖျက်သော မြေကွက် သုံးကွက်မှာ
မြေတိုင်းရပ်ကွက်၈၂၊ ပန်းဝါလမ်းနှင့်အနီးရှိ ၇ ဒဿမ ၀၁၂ ဧက ၊မြေတိုင်းရပ်ကွက်၁၅၁၊လှော်ကားလမ်းရှိ၁၀ ဒဿမ ၀၀ ဧကနှင့်မြေတိုင်းရပ်ကွက် ၈၁၊မြေကွက်အမှတ်(၃၂၉) အနီးရှိ ၂ ဒဿမ ၁၅၈ ဧက တို့ဖြစ်သည်။

တိုင်းအစိုးရမှ ဒုတိယအဆင့်အနေဖြင့် ထပ်မံရောင်းချမည့် မြေကွက်များကို စီးပွားရေးလုပ်ငန်း လုပ်ကိုင်ရန်အတွက်သော် လည်းကောင်း၊ လူနေထိုင်ရန်အတွက်သော် လည်းကောင်း သတ်မှတ်စည်ပင်စရိတ် ပေးသွင်း၍ မြေအသုံးပြုခွင့် ပေးမည်ဖြစ်ရာ စိတ်ပါဝင်စားသူ မည်သူမဆို လျှောက်ထားနိုင်ရန်အတွက် လျှောက်လွှာပုံစံနှင့် မြေကွက် ကိုးကွက်၏ စာရင်းများကို ရန်ကုန်တိုင်းဒေသကြီးအစိုးရအဖွဲ့က ပြီးခဲ့သည့် ဖေဖော်ဝါရီလ ၇ ရက်တွင် ထုတ်ပြန်ကြေညာ ထားသည်။

ဒုတိယအကြိမ်ရောင်းချမည့် မြေကွက်များသည် ဒဂုံမြို့သစ်အရှေ့ပိုင်းမြို့နယ်တွင် အကွက် ၂၀၊ ဒဂုံမြို့သစ်တောင်ပိုင်းမြို့နယ် တွင် အကွက် ၂၀၊ ဒဂုံမြို့သစ်ဆိပ်ကမ်းမြို့နယ်တွင် အကွက် ၃၀၊ ဒလမြို့နယ်တွင် ၃ကွက်၊ ရွှေပြည်သာမြို့နယ်တွင် ၂၄ကွက်၊ မြောက်ဥက္ကလာပမြို့နယ်တွင် ခုနစ်ကွက်၊ လှိုင်သာယာမြို့နယ်တွင် နှစ်ကွက်၊ ဆိပ်ကြီးခနောင် တိုမြို့နယ်တွင် နှစ်ကွက်၊ ကျောက်တန်းမြို့နယ်တွင် သုံးကွက်တို့ကိုရောင်းချပေးမည်ဖြစ်ကြောင်း သိရသည်။

အဆိုပါ မြေကွက်များအား စိတ်ပါဝင်စားသူ မည်သူမဆို သတ်မှတ်ထားသည့် မြေ အသုံးပြုခွင့် လျှောက်လွှာပုံစံအတိုင်း မိမိအစီအစဉ်ဖြင့် ကွန်ပျူတာရိုက်နှိပ်ပြုစု ဖြည့်စွက်၍ ရန်ကုန်တိုင်းဒေသကြီးအတွင်းရှိ နီးစပ်ရာ မြို့နယ်စည်ပင်သာယာရေး ကော်မတီရုံး/မြို့နယ် စည်ပင်သာယာရေးအဖွဲ့ရုံးများတွင် ရုံးချိန်အတွင်း မတ်လ ၆ ရက် နောက်ဆုံးထားတင်သွင်းရမည် ဖြစ်သည်။

မြေအသုံးချခွင့် လျှောက်ထားသူများ အနေဖြင့် မြေပေါ်တွင် ဆောင်ရွက်လိုသည့် လုပ်ငန်းဖော်ပြရန်၊ လျှောက်လွှာတစ်စောင် လျှင် မြေတစ်ကွက်သာ လျှောက်ထားရန်၊ သတ်မှတ်လျှောက်လွှာပုံစံအတိုင်း တင်ပြရမည်ဖြစ်ကြောင်း သိရသည်။

ထို့ပြင် ဘဏ်ရှိ မိမိကိုယ်ပိုင်ငွေအ ထောက်အထား၊ ကုမ္ပဏီဖြစ်ပါက ကုမ္ပဏီ ပိုင်ငွေအထောက်အထားကို တင်ပြရမည် ဖြစ်ပြီး စီးပွားရေးလုပ်ငန်းဆောင်ရွက် ရမည့် အချက်အလက်များ၊ အသုံးပြုငွေကြေး ပမာဏ၊ တည်ဆောက်ရေးအဆိုပြုလွှာ၊ လုပ်ငန်း စီမံချက်၊ အချိန်ကာလတို့ကို ပူးတွဲတင်ပြရမည် ဖြစ်ကြောင်း ကြေညာထားသည်။

ဝေဝေဖြိုး
#TheFifthWaveNews

Leave a Reply