၂၀၀၈ ဖွဲ့စည်းပုံအခြေခံဥပဒေပြင်ဆင်ရေး ဆုံးဖြတ်မည့်နေ့တွင် ကိုယ်စားလှယ်၂၁ဦးပျက်ကွက်

0
35

၂၀၀၈ ခုနှစ်ဖွဲ့စည်းပုံ အခြေခံဥပဒေကို ဒုတိယအကြိမ်ပြင်ဆင်သည့် ပုဒ်မ ၄၃၆ ပုဒ်မခွဲ(က) ဥပဒေကြမ်းပါ ပြင်ဆင်ချက်များပါသည့် ပုဒ်မပေါင်း ၁၄ ခုကို ပြည်ထောင်စု လွှတ်တော်အစည်းအဝေးတွင် ဆန္ဒမဲလက်မှတ်ဖြင့် လွှတ်တော်၏ အဆုံးအဖြတ်ရယူမည့် မတ် ၁၀ရက်တွင် လွှတ်တော်ကိုယ်စားလှယ် ၂၁ ဦးက ခွင့်တိုင်ကြားကာ တက်ရောက်ခြင်းမရှိကြောင်း သိရသည်။

ပြည်ထောင်စု လွှတ်တော်သို့ တက်ရောက်ခွင့်ရှိသည့် ကိုယ်စားလှယ်ဦးရေသည် ၆၅၄ ဦးဖြစ်ပြီး ယခင်က ခွင့်တိုင်ကြားသူသည် ရှစ်ဦးဖြစ်ရာ ယနေ့ ခွင့်တိုင်ကြားသူသည် ၁၃ ဦးဖြစ်ကြောင်း နာယက ဦးတီခွန်မြတ်ကကြေညာခဲ့သည်။

ယနေ့ခွင့်တိုင်ကြားထားသည့် ကိုယ်စားလှယ် ၁၃ ဦးသည် ပြည်ခိုင်ဖြိုးပါတီမှ ကိုယ်စားလှယ် နှစ် ဦး ၊ ရခိုင်အမျိုးသားပါတီမှ လေးဦး ၊ရှမ်းတိုင်းရင်းသားဒီမိုကရေစီအဖွဲ့ချုပ်ပါတီမှ သုံး ဦး ၊ အမျိုးသားဒီမိုကရေစီအဖွဲ့ချုပ်မှ သုံးဦး နှင့်ဇိုမီးဒီမိုကရေစီအဖွဲ့ချုပ်မှ တစ်ဦး တို့ဖြစ်ကြောင်းသိရသည်။

ယနေ့ ဆန္ဒမဲ လက်မှတ်ဖြင့် လွှတ်တော်၏ အဆုံးအဖြတ်ရယူရာတွင် ကိုယ်စားလှယ် ၄၉၁ ဦးထောက်ခံမှသာ ယင်းပုဒ်မ ၁၄ ခု လုံးကို ပြင်ဆင်နိုင်မည်ဖြစ်ကြောင်း နာယက ဦးတီခွန်မြတ်ကကြေညာခဲ့သည်။

လက်ရှိတွင် ဆန္ဒမဲ လက်မှတ် စတင်ပေးနေလျက်ရှိသည်။

ယဉ်ကေနွယ်

Leave a Reply