ရေသယံဇာတများ ထိခိုက်စေမည့် ငါးဖမ်းဆီးခြင်း စနစ်ကိုလေ့လာ ထိန်းချုပ်သင့်

0
28

မြန်မာ့ရေပိုင်နက်အတွင်း နည်းလမ်းအမျိုးမျိုးဖြင့် လုပ်ကိုင်နေကြသည့် အချို့သော ငါးဖမ်းနည်း စနစ်များသည် ရေသယံဇာတများကို ထိခိုက်နိုင် သောကြောင့် မည်သည့် ငါးဖမ်းနည်းစနစ်က သယံဇာတ ထိခိုက်ခြင်းအား ပိုမိုဖြစ်စေနိုင်သည်ကို လေ့လာ ထိန်းချုပ်သင့်ကြောင်း မြန်မာနိုင်ငံ ငါးလုပ်ငန်းအဖွဲ့ချုပ်မှ အထွေထွေအတွင်းရေးမှူး ဦးဝင်းကြိုင်က ပြောသည်။

မြန်မာ့ရေပိုင်နက်အတွင်း ပြည်နယ်နှင့် တိုင်းဒေသကြီး အသီးသီးမှ ဖမ်းဆီးရေး လုပ်ငန်းများကို ဒေသအလိုက် မတူကွဲပြားသည့် ဖမ်းဆီးမှုများဖြင့် ပြုလုပ်လျက်ရှိရာ အချို့သော ဒေသများ၌ ခေတ်မမီတော့သည့် မိရိုးဖလာ ဖမ်းဆီးနည်းအတိုင်း လုပ်ကိုင်နေကြသည်ကို တွေ့ရှိရကြောင်း သိရသည်။

“ဘယ်ဒေသတွေမှာ ဘယ်လိုငါးဖမ်းနည်းတွေနဲ့ လုပ်နေတယ်ဆိုတာကို နည်းစနစ် တစ်ခုဆီကို ပြန်လည်သုံးသပ်ဖို့ လိုအပ်တယ်။ ဒီနည်းလမ်း တွေက သယံဇာတ ထိန်းသိမ်းရေး လုပ်ငန်းတွေကို အထောက်အကူပြုရဲ့လား ၊ ဒီနည်း စနစ်တွေက ရှိသင့်လား ၊ လုံးဝ မလုပ် သင့်တာလား ၊ ပြုပြင်ပြောင်းလဲမှုတွေ လုပ်သင့်တာ လားဆိုတာ လေ့လာရေး လုပ်သင့်တယ်ဆိုတာကို ကျွန်တော်တို့ တင်ပြထားတယ်”ဟု ဦးဝင်းကြိုင်ကဆိုသည်။

ပုံမှန်အားဖြင့် ကျားဖောင်လုပ်ငန်းများတွင် ကြုံတွေ့ရသော ရာသီဥတု ဖောက်ပြန်ပြောင်းလဲ မှုနှင့် သဘာဝဘေး အန္တရာယ်များသည်လည်း လုပ်ငန်းများအပေါ် ကြီးမားသော စိန်ခေါ်မှုများ ဖြစ်စေကြောင်းသိရသည်။

အဆိုပါ ကျားဖောင် လုပ်ငန်းများသည် သဘာဝ သယံဇာတထိန်းသိမ်းရေး လုပ်ငန်းစဉ်များတွင် အထောက်အကူပြုမှု ရှိ၊ မရှိကို သုံးသပ်ရန် လိုအပ်နေပြီး လုပ်ငန်းလုပ်ကိုင်သည့် ရာသီ၌ ဖမ်းဆီးရရှိသည့် ငါးအမျိုးအစားများမှာ သဘာဝ ရေသယံဇာတများအပေါ် အဟန့်အတား ဖြစ်စေနိုင်ခြင်း ရှိ၊ မရှိကိုလည်း သုံးသပ်ဆွေးနွေးရန် လိုအပ်ကြောင်း သိရသည်။

“ကျားဖောင်လုပ်ငန်းဆိုတာက ပြဿနာဖြစ်သွားလို့ လူသိများပြီး ဝေဖန်လာကြတာ ။ ကမ်းရိုးတန်း တစ်လျှောက်လုံးမှာ ကျားဖောင်ကဲ့သို့ ငါးဖမ်းဆီးနည်းတွေ အများကြီးရှိတယ်။ ဒီနည်းတွေကရော အဆင်ပြေရဲ့လား ဆိုတာကို ငါးဖမ်းဆီးနည်း တစ်ခုခြင်းစီကိုလည်း လေ့လာဖို့ လိုအပ်သလို ထိန်းချုပ်သင့်တာတွေကိုလည်း ထိန်းချုပ်ရမယ်”ဟု ၎င်းက ပြောသည်။

ကျားဖောင် လုပ်ငန်းများသည် ပွင့်လင်းရာသီ ကာလတွင် မုတ္တမပင် လယ်ကွေ့အတွင်း
ခုနစ် လခန့် အထိုင်ချကာ ဝါးဖောင်များနှင့် ပိုက်ထောင်၍ ငါး၊ပုဇွန်များကို ဖမ်းယူသည့် လုပ်ငန်းဖြစ်ပြီး ယင်းလုပ်ငန်းမှ ပုဇွန်ခြောက် အများဆုံး ထွက်ရှိလျက်ရှိရာ ပြည်တွင်းစားသုံးမှုအပြင် ပြည်ပနိုင်ငံများကို တင်ပို့ရောင်းချ၍ ငါးပိ၊ ငါးခြောက်၊ ငံပြာရည် မွေးမြူရေး၊ တိရစ္ဆာန် အစာတို့ကိုလည်း ထုတ်လုပ်လျက်ရှိကြောင်း သိရသည်။

မြန်မာနိုင်ငံရှိ ကျားဖောင်လုပ်ငန်းများမှာ နှစ်ပေါင်း ၅၀ ခန့်ကြာမြင့်နေပြီဖြစ်ပြီး ယင်းလုပ်ငန်းများ လုပ်ကိုင်ရာ၌ ပင်လယ်ပြင်တွင် ဖောင်များနှင့် ခုနှစ်လကြာ နေရသည့် ရိုးရာငါးဖမ်းနည်းဖြင့် လုပ်ကိုင်ကြသော လုပ်ငန်းတစ်ခု ဖြစ်ကြောင်း သိရသည်။

ဝေဝေဖြိုး
#TheFifthWaveNews

Leave a Reply