ခြေ/ဥ ပြင်ဆင်ရေး သုံးရက်မြောက်နေ့တွင်လည်း ပုဒ်မ၊ပုဒ်မခွဲ ၁၄ခုလုံး မူလအတိုင်းသာထားရှိ

0
42

အခြေခံဥပဒေပြင်ဆင်ရေးအတွက် မဲခွဲ ဆုံးဖြတ်သည့် သုံးရက်မြောက်နေ့တွင်လည်း ထောက်ခံဆန္ဒမဲ ၇၅ ရာခိုင်နှုန်း မရရှိသည့် အတွက် ပုဒ်မ၊ပုဒ်မခွဲ ၁၄ ခုလုံး မူလ အတိုင်းသာ ထားရှိမည်ဖြစ်ကြောင်း အတည်ပြုခဲ့သည်။

မတ်လ ၁၂ ရက်တွင် ပြုလုပ်သည့် ပြည်ထောင်စုလွှတ်တော် အစည်းအဝေး၌ ဖွဲ့စည်းပုံ အခြေခံဥပဒေ ကို ဒုတိယအကြိမ်ပြင်ဆင်သည့် ဥပဒေ မူကြမ်း များပါ ပုဒ်မ ၄၃၆ ပုဒ်မခွဲ(က) တွင် အကျုံးဝင်သည့် ပုဒ်မ၊ပုဒ်မခွဲ ၁၄ ခု ကို လုံးကို ကိုယ်စားလှယ်များ၏ ဆန္ဒ မဲလက်မှတ်ဖြင့် လွှတ်တော် ၏ အဆုံးအဖြတ်ရယူခဲ့သည်။

ထိုသို့ လုပ်ဆောင်ရာတွင် ကိုယ်စားလှယ် များ၏ ဆန္ဒ မဲလက်မှတ် များသည် ထောက်ခံဆန္ဒမဲ ၇၅ ရာခိုင်နှုန်း မရရှိသည့် အတွက် မူလ အတိုင်းသာ ထားရှိမည်ဖြစ်ကြောင်း နာယက ဦးတီခွန်မြတ်ကကြေညာခဲ့သည်။

ယနေ့ မဲခွဲဆုံးဖြတ်ခဲ့သည့် ပုဒ်မများသည် ကာ/လုံ နှင့် ညှိနှိုင်း ပြီးဆောင်ရွက်ရမည့် လုပ်ငန်းစဉ်များ ၊ သမ္မတ သည် အရေးပေါ် အခြေအနေကို ကိုယ်တိုင် ကြေညာ၍ အရေးယူဆောင်ရွက်နိုင်မည့် စသည်တို့ကို ပြင်ဆင် ပယ်ဖျက်ရန် အတွက် မဲခွဲဆုံးဖြတ်ခဲ့ခြင်း ဖြစ်ကြောင်း သိရသည်။

ယဉ်ကေနွယ်
#TheFifthWaveNews

Leave a Reply