ဦးစားပေး ကုစားရမည့် ကဏ္ဍသုံးခုအတွက် မတည်ငွေ ကျပ်တစ်ရာဘီလီယံဖြင့် COVID-19 Fund ထူထောင်

0
38

COVID 19 ကြောင့် လတ်တလော စီးပွားရေး ထိခိုက်မှု အများဆုံး ခံစားရသည့် ဦးစားပေး ကုစားရမည့် ကဏ္ဍ သုံးခုအတွက် အစိုးရမှ ငွေကျပ်တစ်ရာဘီလီယံကို ကနဦး မတည်ငွေအဖြစ် မြန်မာ့စီးပွားရေးဘဏ်တွင် COVID-19 Fund ထူထောင်သွားမည်ဖြစ်ကြောင်း စီမံကိန်း၊ ဘဏ္ဍာရေး နှင့် စက်မှုဝန်ကြီးဌာနမှ မတ်လ ၁၈ ရက်က သတင်းထုတ်ပြန်ခဲ့သည်။

COVID 19 ကြောင့် လတ်တလော စီးပွားရေး ထိခိုက်မှု အများဆုံး ခံစားရသည့် လုပ်ငန်းကဏ္ဍ များအဖြစ် CMP လုပ်ငန်းများ ၊ဟိုတယ်နှင့်ခရီးသွား လုပ်ငန်းများနှင့် အသေးစား ၊အလတ်စား စီးပွားရေး လုပ်ငန်းများကို ဦးစားပေးကုစားရမည့် ကဏ္ဍအဖြစ် သတ်မှတ်ထားပြီး ပြည်ထောင်စုအစိုးရအဖွဲ့၏ ခွင့်ပြုချက်ဖြင့် နိုင်ငံတော်လှည့်ပတ်ရန်ပုံငွေမှ ကျပ် ငါးဆယ်ဘီလီယံနှင့် လူမှုဖူလုံရေးရန်ပုံငွေမှ ကျပ်ငါးဆယ်ဘီလီယံ စုစုပေါင်း ကျပ်တစ်ရာ ဘီလီယံကို ကနဦး မတည်ငွေအဖြစ် ထူထောင်သွားမည် ဖြစ်ကြောင်း သိရသည်။

နိုင်ငံတော်အစိုးရမှ ယခုကဲ့သို့ ဖြေလျော့ပေးသည့် အတွက် ခရီးသွားကုမ္ပဏီများအနေဖြင့် ခြောက်လခန့် အလုပ်မရှိဘဲ လုပ်ငန်းများ ရပ်တန့်သွားမည့် အခြေနေများနှင့်ဝန်ထမ်းများအား လစာပေးရန်အတွက် ထိန်းထားနိုင်မည် ဖြစ်သလို ခရီးသွားလုပ်ငန်း ပြန်လည် စတင်နိုင်ရန်အတွက်လည်း အရှိန် ရလာသည့်အတွက် ကြိုးစား ဆောင်ရွက်သွားမည် ဖြစ်ကြောင်း မြန်မာနိုင်ငံခရီးသွား လုပ်ငန်းရှင်များ အသင်းမှ သိရသည်။

“အခုလောလောဆယ်တော့ ကုမ္ပဏီတွေကို ပိတ်သိမ်းပြီး ဝန်ထမ်းတွေကို လျော့ချပြီးတော့ ဝန်ထမ်းတွေ အလုပ်ပြုတ်ရမယ့် အရေးကနေ သက်သာသွားမှာပါ။နိုင်ငံတော်ကသာ ချေးငွေတွေ မြန်မြန်ချပေးရင်တော့ ဒီကုမ္ပဏီတွေက ပိတ်သိမ်းစရာ မလိုတော့ပါဘူး။ ဒီသတင်းကြားတဲ့ အတွက် တချို့လဲ အားတက်ပြီး မေးကြပါတယ်။ သူတို့ကုမ္ပဏီပိတ်မယ့်ဟာ မပိတ်တော့ဘူး၊ ဝန်ထမ်းတွေ တော်တော်များများက စိတ်မကောင်းကြဘူး။ လစာလည်း မပေးနိုင်ဘူး ဖြစ်သွားတော့ ရပ်ရမယ့် အခြေနေမျိုးတွေ ဖြစ်နေတဲ့အချိန်မှာ အခုနိုင်ငံတော်က ချေးငွေပေးမယ်ဆိုတော့ ကုမ္ပဏီ မရပ်ဖို့နဲ့ ဝန်ထမ်းတွေ လစာအတွက် တော်တော်လေး စိတ်သက်သာရာ ရသွားပါတယ်”ဟု မြန်မာနိုင်ငံ ခရီးသွား လုပ်ငန်းရှင်များ အသင်း ဥက္ကဋ္ဌ ဦးနောင်းနောင်းဟန်က ပြောသည်။

ယင်း ရန်ပုံငွေဖြင့် COVID 19 ကြောင့် စီးပွားရေးထိခိုက်မှု အများဆုံး ခံစားရသည့် မြန်မာနိုင်ငံသားပိုင် CMP လုပ်ငန်းများ ၊ ဟိုတယ်နှင့်ခရီးသွားလာရေးလုပ်ငန်းများနှင့် အသေးစား ၊အလတ်စား စီးပွားရေးလုပ်ငန်း များကို အတိုးနှုန်း ၁ ရာခိုင်နှုန်း ၊ချေးငွေကာလ ၁နှစ် သတ်မှတ်၍ ထုတ်ချေးသွားမည်ဖြစ်ပြီး စီးပွားရေး ထိခိုက်မှုအပေါ် မူတည်၍ အတိုးနှုန်းနှင့် ချေးငွေကာလကို လိုအပ်သလို ပြန်လည်သုံးသပ် သွားမည်ဖြစ်ကြောင်း အဆိုပါ ထုတ်ပြန်ချက်အရ သိရသည်။

“ကျွန်တော်တို့ တင်ပြချက် သုံးခုမှာ လောလောဆယ် အရေးအကြီးဆုံး နှစ်ခုစလုံး အောင်မြင်ပါတယ်။ အတိုးမဲ့ သို့မဟုတ် အတိုးနှုန်း အထူးသက်သာတဲ့ နှုန်းနဲ့ ချေးငွေ ရရှိရေး၊ အခွန်ကင်းလွတ်ခွင့်၊ သက်သာခွင့် tax exemption နဲ့ အခွန်ဆောင်ကာလ နောက်ဆုတ်ပေးဖို့ defer tax နဲ့ အခွန်ကို အလီလီ ခွဲသွင်းခွင့် tax installment ပေးနိုင်ဖို့ နဲ့ ခရီးသွားလုပ်ငန်းတွေမှာ စွမ်းရည် မြှင့်တင်ရေး capacity building အတွက် သင်တန်းတွေ workshop တွေကို အခုလို ခရီးသွားလုပ်ငန်းတွေ နားနေချိန်မှာ နိုင်ငံတော်က ပံ့ပိုးပေးဖို့ တင်ပြထားမှုမှာ တင်ပြချက် နှစ်ခုကတော့ အောင်မြင်ခဲ့ပါပြီ။ မကြာမီ တင်ပြချက်အမှတ် (၃) လဲ စီစဉ်ပေးမယ်လို့ မျှော်လင့်ပါ တယ်”ဟု ဦးနောင်းနောင်ဟန် က ပြောသည်။

အဆိုပါ ကဏ္ဍ သုံးခု၏ ၂၀၁၉-၂၀၂၀ ဘဏ္ဍာရေးနှစ်အတွင်း သုံးလ တစ်ကြိမ် ပေးဆောင်ရမည့် ဝင်ငွေခွန်နှင့် လစဉ်ပေးဆောင် ရမည့် ကုန်သွယ်လုပ်ငန်းခွန်တို့နှင့်ပတ်သက်၍ ယခုဘဏ္ဍာနှစ်အတွင်း မတ်လ ၃၁ ရက်တွင် ကုန်ဆုံးမည့် ဒုတိယသုံးလပတ်အတွက် လည်းကောင်း ၊ ဇွန်လ ၃၀ ရက်တွင် ကုန်ဆုံးမည့် တတိယသုံးလပတ်အတွက် လည်းကောင်း သုံးလတစ်ကြိမ်ပေးဆောင်ရမည့် ဝင်ငွေခွန်များကို စက်တင်ဘာလ ၃၀ ရက်အထိ ပေးဆောင်နိုင် ကြောင်း ကြေညာထားသည်။

ထို့ပြင်၂၀၁၉-၂၀၂၀ ဘဏ္ဍာရေးနှစ်အတွင်း မတ်လ ၃၁ ရက်တွင် ကုန်ဆုံးမည့် လအတွက်မှစတင်၍ သြဂုတ်လ ၃၁ ရက်တွင် ကုန်ဆုံးမည့်လအတွက်ထိ လစဉ်ပေးဆောင်ရမည့် ကုန်သွယ်လုပ်ငန်းခွန်များကို စက်တင်ဘာလ ၃၀ ရက်အထိ ပေးဆောင်နိုင်ပြီး ပို့ကုန်လုပ်ငန်းများမှ ကြိုတင်ကောက်ခံသည့် ဝင်ငွေခွန် နှစ် ရာခိုင်နှုန်းကိုလည်း ၂၀၁၉-၂၀၂၀ ဘဏ္ဍာရေးနှစ် ကုန်အထိ ကင်းလွတ်ခွင့်ပေးမည် ဖြစ်ကြောင်း သိရသည်။

ဝေဝေဖြိုး
#TheFifthWaveNews

Leave a Reply