စိုးရိမ်လွန်ကဲပြီး ဆေးဝါးများဝယ်ယူစုဆောင်းမှုကြောင့် ဆေးပစ္စည်းများ ဈေးတက်

0
1

ဆေးပစ္စည်းများ အဓိကတင်သွင်းသည့် နိုင်ငံနှစ်ခု ပိတ်လိုက်ခြင်းနှင့် ပြည်သူလူထုမှ စိုးရိမ်လွန်ကဲပြီး ဆေးဝါးများဝယ်ယူ စုဆောင်းမှုကြောင့် ပြည်တွင်း၌ ဆေးပစ္စည်းနှင့် ဆေးဝါးများ ဈေးအနည်းငယ် တက်လာကြောင်း မြန်မာနိုင်ငံဆေးဝါးနှင့် ဆေးပစ္စည်း ထုတ်လုပ်သူများ အသင်းမှမတ် ၂၆ရက်တွင် သိရသည်။

ပြည်တွင်းဆေးပစ္စည်းနှင့် ဆေးဝါးဈေးကွက် ဈေးတက်ခြင်းသည် ပြည်သူများ စိုးရိမ်လွန်ကဲပြီး ဝယ်ယူစုဆောင်းမှု အပေါ် မူတည်ပြီး အသင်းအနေဖြင့်လည်း ဆေးဝါးရောင်းချသူ များထံသို့ သင့်တင့်မျှတသည့် ဈေးနှုန်းနှင့်သာ ရောင်းချပေးရန် လှုံ့ဆော်စာများ ပေးပို့ထားကြောင်း သိရသည်။

“အခုတရုတ် နှင့် အိန္ဒိယက ပိတ်လိုက်တော့ တော်တော်ကို အခက်အခဲဖြစ်တယ်။ အခြားနိုင်ငံအသီးသီးကလည်း သူတို့နိုင်ငံအတွက် ပိုလျှံ မှ တင်ပို့မှု လုပ်ကြတယ်။ အဲ့ဒီ အခါကျတော့ ဝယ်ရင်းဈေးက တက်လာတယ်။ လေယာဉ်ခတွေကလည်း ပျံသန်းမှုနည်းတဲ့ အတွက် ဈေးတက်လာတာရယ်၊ ပြည်သူအချို့က အစိုးရိမ်လွန်ပြီး ဝယ်ယူစုဆောင်းတဲ့ အခါကျတော့ နဂိုအတိုင်း ပြည်ပကနေ မှာယူတာထက် ပိုမှာယူနေရတဲ့ အနေအထား ဖြစ်နေတယ်”ဟု မြန်မာနိုင်ငံဆေးဝါးနှင့် ဆေးပစ္စည်း ထုတ်လုပ်သူများ အသင်း ဥက္ကဋ္ဌ ဦးဇော်မိုးခိုင်က ပြောသည်။

မြန်မာနိုင်ငံ၏ ဆေးနှင့်ဆေးပစ္စည်း ပြည်တွင်း ထုတ်လုပ်မှုသည် အင်မတန်နည်းပါးသည့်အတွက်ပြည်ပမှ ၉ဝ ရာခိုင်နှုန်းခန့် တင်သွင်းနေရကြောင်း သိရသည်။

လက်ရှိတွင် တစ်ကမ္ဘာလုံး အတိုင်းအတာ အနေဖြင့် ဆေး နှင့် ဆေးပစ္စည်း ဈေးအပေါဆုံး နိုင်ငံမှာ တရုတ်နှင့် အိန္ဒိယနိုင်ငံ ဖြစ်ပြီး ယင်းနိုင်ငံများက ပိတ်လိုက်သောကြောင့် အခြားနိုင်ငံများဘက်မှ လှည့်ဝယ်ရသော်လည်း လိုသလောက် အရည်အတွက် မရရှိခြင်းနှင့် ဈေးကြီးမြင့်ခြင်းများ ကြုံတွေ့နေရသည့်အတွက် ပြည်တွင်း၌ ပြန်လည်ရောင်းချရာတွင် အထိုက်အလျောက် ဈေးတက်လာခြင်း ဖြစ်ကြောင်းသိရသည်။

မြန်မာနိုင်ငံဆေးဝါးနှင့် ဆေးပစ္စည်းထုတ်လုပ်သူ များ အသင်းအနေဖြင့် Covud – 19 ကာကွယ်ထိန်းချုပ် ကုသရေးဆိုင်ရာ ရန်ပုံငွေအဖြစ် ကျပ်သိန်းပေါင်း ၆ဝဝဝ ခန့် လှူဒါန်းထားကြောင်း သိရသည်။

ဝေဝေဖြိုး
#TheFifthWaveNews

Leave a Reply