ရေနွေးငွေ့ ဘိုင်တာစက်တစ်လုံး တိုးချဲ့ တပ်ဆင်နိုင်ရေးအတွက် ချေးငွေရယူရန် လွှတ်တော်အတည်ပြု

0
43

ရန်ကုန်တိုင်းဒေသကြီး သီလ၀ါ စက်မှုဇုန် အနီးတွင် ရေနွေးငွေ့ ဘိုင်တာစက် ၁ လုံး တိုးချဲ့ တပ်ဆင်နိုင်ရေးအတွက် အပြည်ပြည်ဆိုင်ရာပူးပေါင်းဆောင်ရွက်ရေးအဂျင်စီ(JICA) ထံမှ ဂျပန်ယန်း ၇ ဒသမ ၃၉၉ ဘီလီယံ ချေးငွေ ရယူနိုင်ရန် အတွက် မတ် ၂၆ရက် ကျင်းပပြုလုပ်သည့် ပြည်ထောင်စုလွှတ်တော်အစည်းအဝေးတွင် မဲခွဲကာ အဆုံးအဖြတ်ရယူခဲ့ကြသည်။

ထိုသို့ရယူရာတွင် ထောက်ခံဆန္ဒမဲ ၅၁၁ မဲ ကန့်ကွက်မဲ သုံးမဲဖစ်ရာ ထောက်ခံ ဆန္ဒမဲများသည့်အတွက် လွှတ်တော်က အတည်ပြုကြောင်း နာယက ဦးတီခွန်မြတ် ကကြေညာခဲ့သည်။

အဆိုပါ ရေနွေးငွေ့ ဘိုင်တာစက် တစ် လုံးတိုးချဲ့ရခြင်း၏ ရည်ရွယ်ချက်သည် လက်ရှိ အသုံးပြုနေသည့် သဘာဝဓာတ်ငွေ့လောင်စာကို ထပ်မံသုံးရန် မလိုပဲ စွန့်ပစ် အပူကို သုံးကာ ၂၅ မဂ္ဂါဝပ် တစ်နှစ်တွင် ၁၇၅ ဒသမ ၂ ယူနစ်သန်းပေါင်း ထုတ်ပေးနိုင်မည်ဖြစ်ကာ နိုင်ငံတော်၏ ဓာတ်အားလိုအပ်ချက် အတွက် လုပ်ဆောင်ခြင်း ဖြစ်ကြောင်း ဦးခင်မောင်ဝင်းက ရှင်းလင်းပြောကြားခဲ့သည်။

ထို့အတူ ဓာတ်အားတိုးတက်မှုရရှိနိုင်မည့် အပြင် စီးပွားရေး အရလည်း အားသာချက်ရှိပြီး နိုင်ငံခြားရင်းနှီးမြှပ်နှံမှုများတိုးတက်လာနေသည့် သီလ၀ါစက်မှုဇုန်၏ ဓာတ်အားလိုအပ်ချက်ကိုလည်း ပိုမိုဖြည့်ဆည်းပေးနိုင်မည်ဖြစ်ပြီး နိုင်ငံစီးပွားရေး ဖွံဖြိုးတိုးတက်ရန်အတွက် များစွာ အထောက်အကူ ပြုနိုင်မည်ဖြစ်ကြောင်း ဦးမောင်မောင်ဝင်းကရှင်းလင်းပြောကြားခဲ့သည်။

အဆိုပါ စီမံကိန်းကို ၂၀၂၀-၂၀၂၁ ဘဏ္ဍာရေးနှစ်မှ ၂၀၂၄-၂၀၂၅ ဘဏ္ဍာရေးနှစ်အတွင်း ပြီးစီးဆောင်ရွက် အကောင်အထည်ဖော်သွားမည်ဖြစ်ကြောင်း သိရသည်။

ချေးငွေ၏ အတိုးနှုန်းသည် ၀ ဒသမ ၀၁ ရာခိုင်နှုန်း ဖြစ်ပြီး ဆိုင်းငံ့ကာလသည် ဆယ်နှစ်၊ ပြန်ဆပ်ကာလသည် နှစ် ၃၀ ဖြစ်သည့် အတွက် စုစုပေါင်း နှစ် ၄၀ ဖြစ်ကြောင်း သိရသည်။

ယဉ်ကေနွယ်
#TheFifthWaveNews

Leave a Reply