တောင်သူလယ်သမားများ လယ်ယာလုပ်ငန်းခွင်ဝင်ချိန်တွင် ကျန်းမာရေးလုပ်ငန်းစဉ်များ လိုက်နာရန် တိုက်တွန်း

0
53

လက်ရှိ ကမ္ဘာ့ကပ်ရောဂါ COVID- 19 ရောဂါ ဖြစ်ပွားနေချိန် ကာလအတွင်း ရောဂါကူးစပ်ပြန့်ပွားမှု မရှိစေရန် တောင်သူဦးကြီးများအနေဖြင့် လယ်ယာလုပ်ငန်းခွင်သို့ ဝင်ရောက်ချိန်တွင် ကျန်းမာရေးလုပ်ငန်းစဉ်များ လိုက်နာ ဆောင်ရွက်ကြရန် စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာနက တိုက်တွန်းနှိုးဆော်ထားသည်။

မကြာမီ မုတ်သုန်ကာလသို့ ကျရောက်တော့မည်ဖြစ်ပြီး တောင်သူကြီးများအနေဖြင့် မိုးသီးနှံများ စိုက်ပျိုးရန် လယ်ယာလုပ်ငန်းခွင်သို့ စတင်ဝင်ရောက်သည့်နည်းတူ နွေသီးနှံများ ရိတ်သိမ်းခြင်း လုပ်ငန်းများကို ဆောင်ရွက်ကြသည့်အတွက် ယခုကဲ့သို့ ကမ္ဘာ့ကပ်ရောဂါ ဖြစ်ပွား နေချိန် ကာလအတွင်း တောင်သူလယ်သမားများနှင့် မိသားစုဝင်များ အားလုံးရောဂါ ကူးစက်ပြန့်ပွားမှုမရှိစေရေး နေထိုင်ဆောင်ရွက်ကြရန် အလွန်အရေးကြီးသောကြောင့် လယ်ယာလုပ်ငန်းခွင် ဝင်ရောက်ချိန်တွင် ကျန်းမာရေးလုပ်ငန်းစဉ်များကို လိုက်နာဆောင်ရွက်ကြရန် တိုက်တွန်းနှိုးဆော်ထားခြင်းဖြစ်သည်။

တောင်သူဦးကြီးများအနေဖြင့် လယ်ယာ လုပ်ငန်းခွင် သို့ သွားရောက်ရာတွင် လည်းကောင်း၊ လယ်ယာလုပ်ငန်း ဆောင်ရွက်ရာတွင် လည်းကောင်း၊ အစားအစာ စားသောက်ရာတွင်လည်းကောင်း တစ်ဦးနှင့်တစ်ဦး လုံလောက်သော အကွာအဝေးဖြင့် နေထိုင်၊ လုပ်ကိုင်၊ စားသောက် ကြရန် တိုက်တွန်းထားသည်။

ထို့ပြင် လယ်ယာလုပ်ငန်းခွင်သို့ သွားရောက်ရာ၌ လက်ဆေးနိုင်ရန် ဆပ်ပြာကို ဆောင်သွားရန်၊ လယ်ယာသုံး ကိရိယာများကို မသုံးစွဲမီ သန့်ရှင်းရေး ပြုလုပ်ရန်၊ လယ်ယာသုံး စက်ကိရိယာများကို ကိုင်တွယ်မသုံးစွဲမီနှင့် သုံးစွဲပြီးတိုင်း၊ အစာမစားမီ နှင့် အစာစားပြီးတိုင်း လက်ကို ဆပ်ပြာနှင့် စင်ကြယ်စွာ ဆေးကြောရန် ၊မိုးရေစို၍ ဖျားနာခြင်းမဖြစ်စေရန် ခမောက်၊ မိုးကာ၊ ပက္ကလာ၊ လည်ရှည်ဖိနပ်များကို အသုံးပြု ဝတ်ဆင်ရန်နှင့် ​ချောင်းဆိုး၊ နှာချေသည့် အခါတိုင်း တံတောင်ကွေးဖြင့် လုံခြုံစွာအုပ်၍ ပြုလုပ်ရန်၊ (သို့မဟုတ်) နှာခေါင်းစည်း တပ်ဆင်ထားရန်တို့ကို လိုက်နာဆောင်ရွက်ရေး နှိုးဆော်ထားသည်။

တောင်သူဦးကြီးများအနေဖြင့် အထက်ပါ လုပ်ငန်းစဉ်များအပြင် ကျန်းမာရေးနှင့်အားကစား ဝန်ကြီးဌာနမှ ထုတ်ပြန်သော ကျန်းမာရေးဆိုင်ရာ ကျင့်သုံးရမည့် အချက်များအား လိုက်နာကြ ခြင်းဖြင့် မိမိတို့၏ လယ်ယာလုပ်ငန်းများတွင် ကျန်းမာပျော်ရွှင်စွာ စိုက်ပျိုးထုတ်လုပ်ကြရန် အဆိုပါ ဝန်ကြီးဌာနက တိုက်တွန်း နှိုးဆော် ထားသည်။

ဝေဝေဖြိုး
#TheFifthWaveNews

Leave a Reply