ရန်ကုန်၏ ရေနှုတ်မြောင်းနှင့်မိလ္လာစနစ်အတွက် ကမ္ဘာဘဏ်ချေးငွေ ကန်ဒေါ်လာသန်း၇၀ကျော်သုံးမည်ဟု ဦးဖြိုးမင်းသိန်းပြော

0
67

ရန်ကုန်မြို့၏ ရေနှုတ်မြောင်းနှင့် နောက်ဖေးလမ်းကြားမိလ္လာစနစ်အတွက် ကမ္ဘာဘဏ်ချေးငွေ အမေရိကန်ဒေါ်လာသန်း၇၀ကျော်သုံးမည်ဟု ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ပြောသည်။

ရန်ကုန်တိုင်းဒေသကြီးအစိုးရအဖွဲ့၏ ပြည်သူ့အတွက်စတုတ္ထတစ်နှစ်တာ ဆောင်ရွက်ချက် အဖြစ်မြန်မာ့အသံနှင့်ရုပ်မြင်သံကြား၏ မေးမြန်းခန်းတွင် ရန်ကုန်တိုင်းဒေသကြီးဝန်ကြီးချုပ်က အခုလိုထည့်သွင်းပြောကြားခဲ့ခြင်းဖြစ်သည်။

” မြောင်းတွေရဲ့အကျယ်အ၀န်းကလည်းရန်ကုန်မြို့ပြမှာနေထိုင်တဲ့လူဦးရေနဲ့ကိုက်ညီနိုင်လောက်တဲ့ရေနှုတ်မြောင်းတွေဖြစ်အောင်ပြုပြင်ပြောင်းလဲရမှာဖြစ်ပါတယ်။ဒါနဲ့ပတ်သက်ရင်လည်း ကမ္ဘာဘဏ်ရဲ့ချေးငွေ အမေရိကန်ဒေါ်လာသန်း၇၀ကျော်နဲ့ ပြုပြင်ပြောင်းလဲမှုတစ်ရပ်ကိုဆောင်ရွက်နေပြီဖြစ်ပါတယ်”ဟု ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းကပြောကြားခဲ့ သည်။

ပြည်သူလူထု၏လူမှုဘ၀နှင့်ကျန်းမာရေးအတွက် JICA မှစီစဉ်ဆောင်ရွက်နေသော master planဖြင့်နောက်ဖေးလမ်းကြားများတွင်ရှိသည့်မိလ္လာစနစ်နှင့် ရေနှုတ်မြောင်းများအတွက် မဖြစ်မနေဆောင်ရွက်သွားရမည်ဖြစ်သည်ဟုဆိုသည်။

လက်ရှိ ဆောင်ရွက်နေမှုများနှင့်ပတ်သက်ပြီး “ဒီနေရာမှာမိတ်ဖက်အဖွဲ့အစည်းတွေဖြစ်တဲ့ တို့အိမ်လိုအဖွဲ့အစည်းတွေကနေပြီးနောက်ဖေးလမ်းကြားတွေမှာပြုပြင်ပြောင်းလဲရေးမှာ ကူညီဆောင်ရွက်ပေးတာတွေရှိပါတယ်။ရန်ကုန်မြို့ရဲ့အမှိုက်တွေနဲ့ပတ်သက်ရင် Clean Yangonလိုအဖွဲ့ကနေပြီးတော့ ရန်ကုန်မြို့ရဲ့သန့်ရှင်းရေးအပိုင်းတွေမှာ ပြည်သူလူထုပူပေါင်းပါဝင်လာအောင် ကူညီဆောင်ရွက်ပေးမှုတွေရှိပါတယ်။ဒီကူညီဆောင်ရွက်ပေးမှုတွေအတွက်ကျေးဇူးတင်ပါတယ်”ဟုရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ဆိုသည်။

ဇော်ထွန်း
#TheFifthWaveNews

Leave a Reply