အိန္ဒိယ၌ ၁၅ မိနစ်တိုင်း ကလေးငယ်တစ်ဦး လိင်ပိုင်းဆိုင်ရာအနိုင်ကျင့်ခံနေရ

0
211

နယူးဒေလီ ဒီဇင်ဘာ ၂

အိန္ဒိယနိုင်ငံ၌ ၁၅ မိနစ်တိုင်း ကလေးငယ်တစ်ဦး လိင်ပိုင်းဆိုင်ရာအနိုင်ကျင့်ခံနေရကြောင်း အစိုးရ၏စာရင်းအင်းများအရ သိရသည်။

ကလေးငယ်များအပေါ် လိင်ပိုင်းဆိုင်ရာ အနိုင်ကျင့်မှုများ မြင့်တက်လာနေကြောင်း အမျိုးသားရာဇဝတ်မှုမှတ်တမ်းဗြူရို၏အစီရင်ခံစာတွင်ဖော်ပြထားသည်။ မကြာသေးမီလများအတွင်း အသက် ၁၀ နှစ်အရွယ် မိန်းကလေးတစ်ဦး လိင်ပိုင်းဆိုင်ရာ အနိုင်ကျင့်ခံရပြီးနောက် ကိုယ်ဝန်ရှိကာ ကလေးမွေးခဲ့သည့် သတင်းထွက်ပေါ်ခဲ့ပြီးနောက် အိန္ဒိယ၌ ကလေးငယ်များ လိင်ပိုင်းဆိုင်ရာ အနိုင်ကျင့်ခံနေရမှုကို တိုက်ဖျက်ရန် တောင်းဆိုမှုများ ပိုမိုပြင်းထန်လာခဲ့သည်။ ကလေးငယ်၏ဦးလေးနှစ်ဦးသည် လိင်ပိုင်းဆိုင်ရာအနိုင်ကျင့်မှုဖြင့် ထောင်ဒဏ်တစ်သက်ချမှတ်ခံခဲ့ရသည်။

၂၀၁၆ ခုနှစ်အတွင်း အိန္ဒိယ၌ ဖြစ်ပွားခဲ့သည့် ရာဇဝတ်မှုများစာရင်းအရ ကလေးငယ်များအပေါ် ကျူးလွန်မှု ၁၀၆၉၅၈ မှုရှိခဲ့ကြောင်း အိန္ဒိယပြည်ထဲရေးဝန်ကြီး ရာဇနတ်ဆင်းကပြောဆိုခဲ့သည်။ အိန္ဒိယသည် ကမ္ဘာပေါ်တွင် ကလေးငယ်များ လိင်ပိုင်းဆိုင်ရာအနိုင်ကျင့်မှုအများဆုံးဖြစ်ပွားနေသည့် နိုင်ငံတစ်နိုင်ငံဖြစ်သော်လည်း ယင်းဖြစ်ရပ်များနှင့်ပတ်သက်၍ ထုတ်ဖော်ပြောဆိုမှု အနည်းဆုံးဖြစ်နေသေးကြောင်း ကလေးငယ်အခွင့်အရေးလှုပ်ရှားသူများကပြောဆိုခဲ့သည်။

၂၀၀၇ ခုနှစ်တွင် အိန္ဒိယ အမျိုးသမီးနှင့် ကလေးဖွံ့ဖြိုးရေးဝန်ကြီးဌာနက လေ့လာမှုတစ်ခုပြုလုပ်ခဲ့ရာ စစ်တမ်းဖြေဆိုခဲ့သည့် ကလေး ၅၂ ရာခိုင်နှုန်းက ၎င်းတို့သည် လိင်ပိုင်းဆိုင်ရာအနိုင်ကျင့်မှုတစ်မျိုးမျိုးကို ခံစားခဲ့ရကြောင်း ပြောဆိုခဲ့သည်။ အနိုင်ကျင့်သူအများစုသည် ၎င်းတို့နှင့် ရင်းနှီးသူများဖြစ်ကြကြောင်း၊ ယင်းတို့ထဲတွင် မိဘများ၊ ဆွေမျိုးများနှင့် ဆရာများပါဝင်ကြောင်း စစ်တမ်းဖြေဆိုသည့် ကလေးများကပြောဆိုခဲ့သည်။

Leave a Reply