အိမ်ဖြူတော်၌ ကြွက်နှင့် ပိုးဟပ်များသောင်းကျန်းနေဟု ဆို

0
190

ဝါရှင်တန် ဒီဇင်ဘာ ၂

အမေရိကန်သမ္မတဒေါ်နယ်ထရမ့် ရုံးစိုက်သည့် အိမ်ဖြူတော်၌ ကြွက်များ၊ ပိုးဟပ်များသောင်းကျန်းနေပြီး အိမ်သာကမုတ်များ ပျက်စီးနေကြောင်း အိမ်ဖြူတော်ဝန်ထမ်းများက ပြုပြင်ထိန်းသိမ်းရေးတာဝန်ရှိသူများကို ပြောဆိုမှုများရှိနေသည်။

ထရမ့်အစိုးရလက်ထက်တွင်သာမက ဘားရက်အိုဘားမား သမ္မတအဖြစ်တာဝန်ထမ်းဆောင်ချိန်အတွင်း ပြုစုခဲ့သည့် အိမ်ဖြူတော်တွင်း ပြုပြင်ထိန်းသိမ်းရေးအလုပ်အစီအစဉ်စာရင်းကို အင်န်ဘီစီသတင်းဌာနက ရရှိခဲ့ခြင်းဖြစ်သည်။ အိမ်ဖြူတော်ရှိ စားသောက်ခန်းနှင့် အစည်းအဝေးခန်းတို့၌ ကြွက်များကို မကြာခဏမြင်တွေ့ခဲ့ရကြောင်း စာရင်းတွင်ဖော်ပြထားသည်။ နှစ်နှစ်တာကာလအတွင်း ကြွက်များကိုရှင်းလင်းပေးရန် တောင်းဆိုမှုရာပေါင်းများစွာရှိခဲ့သည်။

“အိမ်ဖြူတော်ဆိုတာ အဆောက်အအုံဟောင်း၊ အိမ်ဟောင်းတွေမှာ ကြွက်တွေ၊ ပြင်ဆင်စရာရှိတာတွေရှိတယ်ဆိုတာ လူတိုင်းသိပါတယ်” ဟု အိမ်ဖြူတော်၏ပြုပြင်ထိန်းသိမ်းရေးကိုတာဝန်ယူရသည့် အမေရိကန်အထွေလုပ်ငန်းဆောင်တာအုပ်ချုပ်ရေးအဖွဲ့( ဂျီအက်စ်အေ)၏ စုံစမ်းစစ်ဆေးရေးမှူးဟောင်း ဘရိုင်ယန်မီလာကပြောဆိုခဲ့သည်။

အိမ်ဖြူတော်ဝန်ထမ်းရေးရာဦးစီးမှူးနှင့်ဆိုင်ရာအခန်းများတွင်သာမက စားသောက်ခန်းများတွင်ပါ ပိုးဟတ်များနှင့် ပုရွက်ဆိတ်များကိုတွေ့မြင်ခဲ့ရကြောင်း စာရင်းတွင်ဖော်ပြထားသည်။အိမ်ဖြူတော်ထိန်းသိမ်းရေးဝန်ထမ်းများသည် ကြွက်နှင့် ပိုးဟတ်နှိမ်နင်းရေးကိုသာမက ယခုနှစ်အစောပိုင်းတွင် အစိုးရသစ်တက်လာမှုကြောင့် အခြားတာဝန်များကိုလည်း ထမ်းဆောင်ခဲ့ရသည်။ အိမ်ဖြူတော်ပြန်ကြားရေးအတွင်းဝန်ဟောင်း ရှောင်စပိုက်ဆာသည် ရာထူးရယူပြီးမကြာမီတွင် ပရိဘောဂများကို ရွှေ့ပစ်ပြီး အကြွေ့စေ့ဟောင်းများကို ပြသည့် ဖန်သေတ္တာတစ်ခုကိုထားရှိပေးရန် တောင်းဆိုခဲ့သည်။

ဒုတိယသမ္မတမိုက်ခ်ပန့်စ်ကလည်း ၎င်း၏ရုံးခန်းထဲရှိ ထိုင်ခုံနှစ်လုံး၏ခြေထောက်များကို ပြင်ဆင်ပေးရန် ထိန်းသိမ်းရေးဝန်ထမ်းများကို ညွှန်ကြားခဲ့သည်။ အိမ်ဖြူတော်သည် သမိုင်းဝင်နေရာဖြစ်သောကြောင့် ၎င်းကိုထိန်းသိမ်းခြင်းသည် အင်အားစိုက်ထုတ်ကာ ဂရုတစိုက်လုပ်ဆောင်ရသည့် အလုပ်ဖြစ်ကြောင်း မီလာကပြောဆိုခဲ့သည်။

Leave a Reply