အမေရိကန်အထက်လွှတ်တော် အခွန်လျှော့ချကောက်ခံမည့် ဥပဒေကြမ်းကို အတည်ပြု

ပုံစာ။ လူချမ်းသာများကိုအကျိုးရှိစေမည့် အခွန်လျှော့ချမှုဥပဒေကြမ်းကို ကွန်ဂရက်ရှေ့၌ ဆန့်ကျင်ဆန္ဒပြခဲ့စဉ်။

0
179

ဝါရှင်တန် ဒီဇင်ဘာ ၂

အမေရိကန်အထက်လွှတ်တော်သည် အကြိမ်ကြိမ်စေ့စပ်ညှိနှိုင်းပြီးနောက် အခွန်များစွာလျှော့ချကောက်ခံမည့် ဥပဒေကြမ်းတစ်ခုကို အတည်ပြုလိုက်ပြီဖြစ်သည်။

စိတ်မပြတ်သားခဲ့သည့် ရီပတ်ဘလီကန်များက ယခုအကြိမ်တွင် ထောက်ခံမဲပေးခဲ့သောကြောင့် အတည်ပြုနိုင်ခဲ့ခြင်းဖြစ်ကြောင်း ရီပတ်ဘလီကန်ပါတီအကြီးအကဲများကပြောဆိုခဲ့သည်။ ဥပဒေကြမ်းကြောင့် အသုံးစရိတ်လိုငွေပြမှု ဒေါ်လာ ၁ ထရီလီယံရှိလာနိုင်ကြောင်း ပြောဆိုခဲ့သော်လည်း ဥပဒေကြမ်းကို အတည်ပြုခဲ့ခြင်းဖြစ်သည်။ယခုဥပဒေကြမ်းသည် ၁၉၈၀ ခုနှစ်များမှစပြီး အခွန်အများဆုံးလျှော့ချကောက်ခံမည့် ဥပဒေကြမ်းလည်းဖြစ်သည်။

ယခုနှစ်အကုန်ပိုင်းတွင် ဥပဒေအဖြစ်သက်ရောက်ရေးလုပ်ဆောင်ရန် အမေရိကန်သမ္မတဒေါ်နယ်ထရမ့်က တိုက်တွန်းထားသည်။ အထက်လွှတ်တော်သည် ယခုအတည်ပြုလိုက်သော ဥပဒေကြမ်းကို လွန်ခဲ့သောအပတ်တွင် အောက်လွှတ်တော်က အတည်ပြုခဲ့သည့် ဥပဒေကြမ်းနှင့် ပေါင်းစည်းရမည်ဖြစ်သည်။ ပေါင်းစည်းထားသော ဥပဒေကြမ်း ဥပဒေအဖြစ် သက်ရောက်မှုရှိလာရေး သမ္မတက အတည်ပြုလက်မှတ်ရေးထိုးပေးရမည်ဖြစ်သည်။

ဥပဒေကြမ်းကြောင့် လူချမ်းသာများနှင့် စီးပွားရေးလုပ်ငန်းကြီးများသာ အကျိုးအမြတ်ရှိမည်ဖြစ်ပြီး အမေရိကန်ဘဏ္ဍာရေးတွင် လိုငွေပြလာမည်ဖြစ်ကြောင်း အထက်လွှတ်တော်တွင်း အင်အားနည်းပါးသည့် ဒီမိုကရက်တစ်အမတ်များကပြောဆိုခဲ့သည်။ အထက်လွှတ်တော်၌ ရီပတ်ဘလီကန်အမတ် ၅၂ ဦး၊ ဒီမိုကရက်တစ်အမတ် ၄၈ ဦးရှိနေသည်။ဥပဒေကြမ်းကြောင့် အထက်တန်းလွှာများအတွက်သာ အကျိုးရှိစေမည်ဖြစ်ကြောင်း အထက်လွှတ်တော်ရှိ ဒီမိုကရက်တစ်ခေါင်းဆောင် ချက်ရှူးမားကပြောဆိုခဲ့သည်။

အထက်လွှတ်တော်တွင်း မဲခွဲသည့်အခါတွင် ရီပတ်ဘလီကန်အထက်လွှတ်တော်အမတ် ဘော့ကော့ကာတစ်ဦးသာ မထောက်ခံလိုကြောင်းပြောဆိုခဲ့သည်။ ကြွေးမြီပိပြီး ဘဏ္ဍာရေးအရ လိုငွေပြစေမည့် ဥပဒေကြမ်းကို မထောက်ခံနိုင်ကြောင်း ကော့ကာကပြောဆိုခဲ့သည်။
ယခုဥပဒေကြမ်းကြောင့် လာမည့်ဆယ်စုနှစ်တစ်ခုကျော်အတွင်း ဘဏ္ဍာရေးလိုငွေပြရှိလာမည်ဖြစ်ကြောင်း အထက်လွှတ်တော်ရှိ ပါတီနိုင်ငံရေးမရောနှောသည့် အခွန်ဆိုင်ရာပူးတွဲကော်မတီက နိုဝင်ဘာတွင် သတိပေးပြောဆိုခဲ့သည်။ အခွန်လျှော့ချကောက်ခံသော်လည်း စီးပွားရေးတိုးတက်မှုကြောင့် ဘဏ္ဍာရေးလိုငွေပြမှုကို ကာမိစေမည်ဖြစ်ကြောင်း အိမ်ဖြူတော်ကပြောဆိုထားပြီးဖြစ်သည်။

Leave a Reply