ရှေးဦးအရွယ် ကလေးသူငယ်ဖွံ့ဖြိုးရေး အခြေအနေ တိုင်းတာစစ်ဆေးမှုနှင့် ပြန်လည်ထူထောင်ရေးစနစ်တခုပေါ်ပေါက်လာစေရန်ဆောင်ရွက်လျှက်ရှိ

0
197

ဒီဇင်ဘာ ၃။ ၂၀၁၇

ရှေးဦးအရွယ် ကလေးသူငယ်ဖွံ့ဖြိုးရေး အခြေအနေတိုင်းတာစစ်ဆေးမှုနှင့် ပြန်လည်ထူထောင်ရေး
(Early Childhood Intervention –ECI) စနစ်တခုပေါ်ပေါက်လာစေရန်ဆောင်ရွက်လျှက်ရှိကြောင်း လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး ကပြောသည်။

“ မသန်စွမ်းမှုဖွံ့ဖြိုး တိုးတက်မှု နှေးကွေးခြင်းတို့ကိုခံစားနိုင်ခြေရှိသော မွေးကင်းစမှ အသက် ၅နှစ်အထိရှိတဲ့ ကလေးသူငယ်တွေရဲ့မိသားစုများအတွက် ၀န်ဆောင်မှုများပေးမည့် ပညာနယ်ပယ်မျိုးစုံ ၊ ကဏ္ဍပေါင်းစုံ ၊ ဘက်စုံပေါင်းစုံညှိုနှိုင်းရတဲ့ ရှေးဦးအရွယ်ကလေးသူငယ်ဖွံ့ဖြိုးရေး အခြေအနေတိုင်းတာစစ်ဆေးမှုနှင့် ပြန်လည်ထူထောင်ရေး( Early Childhood Intervention –ECI) စနစ်တခုပေါ်ပေါက်လာစေရန်ဆောင်ရွက်နေပါတယ် “ ဟု ဒေါက်တာဝင်းမြတ်အေး ကပြောသည်။

နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန ၂ (MICC 2) တွင်ကျင်းပပြုလုပ်သည့် အပြည်ပြည်ဆိုင်ရာ မသန်စွမ်းသူများနေ့အခမ်းအနားတွင် ထည့်သွင်းပြောကြားခဲ့ခြင်းဖြစ်သည်။

ECI ကနဦးစီမံကိန်းများကို ရန်ကုန်တိုင်းဒေသကြီး ၊ ဧရာဝတီတိုင်းဒေသကြီး ၊ စစ်ကိုင်းတိုင်းဒေသကြီးနှင့် မွန်ပြည်နယ်တို့ရှိ မြို့နယ် ၈ မြို့နယ်ရှိ ကျေးလက်မြို့ပြနေရာ ၉ ခုတွင် ၂၀၁၈ ခုနှစ်အတွင်းဆောင်ရွက်နိုင်ရန်ရွေးချယ်ထားခြင်းဖြစ်ကြောင်းသိရှိရသည်။

ထို့ပြင် မြန်မာနိုင်ငံ မသန်စွမ်းသူများဖွံ့ဖြိုးတိုးတက်ရေး အမျိုးသားအဆင့်မဟာဗျူဟာ (၂၀၁၆-၂၀၂၅) အားချမှတ်ခဲ့ပြီး လုပ်ငန်းစီမံချက် (၂၀၁၆-၂၀၂၀) မူကြမ်းရေးဆွဲခြင်းအပြင် ကလေးသူငယ်၊ အမျိုးသမီး ၊ မသန်စွမ်းသူများဆိုင်ရာ ကွန်ဗင်းရှင်းစသည်တို့ကို မျက်မမြင်စာဖြင့်ထုတ်ဝေခြင်း ၊ Audio Version ဖြင့်ထုတ်ဝေခြင်း၊ လက်သင်္ကေတပြဘာသာစကားဖြင့်ထုတ်ဝေခြင်း ၊ မသန်စွမ်းကျောင်းများ သဘာဝဘေးအန္တရာယ်ကြိုတင်ကာကွယ်ပြင်ဆင်ခြင်း သင်တန်းများဖွင့်လှစ်ခြင်းများဆောင်ရွက်လျှက်ရှိကြောင်းသိရှိရသည်။

Leave a Reply